رواية كاملة بقلم أية حمام

ولا أنت كنت بتسمعي ديزني وقتها 
أيوا علشان كدا حبيت تضحية إريال وقولت أضحي أنا كمان زيها 
بعدين مين قال لك إن مفيش كدا هو مش باباها كان زيها برضه
بس يا آية بس الله يكرمك
كنت لسة هرد عليه بس قاطعنا الطفل ال قرب علينا واتكلم
وردة يا بيه 
خد وردة يارب تتجوزها 
اتجوزتها الحمدلله 
طب يارب تخلف منها دستة شبهها 
لو في الشكل موافق لكن في التفكير لاء
همس بجملته وهو بيطلع الفلوس لكني سمعته أخد منه الورد وقدمه ليا وهو بيقول
اتفضلي يا ست حورية البحر 
ميرسي يا عروس البحر
ضحكنا وقال نقوم نمشي ف أخدت الورد وركبنا ومشينا وطول الطريق يضحك كل ما يفتكر كلامي وصلنا وطلعنا وغيرنا هدومنا وصلينا العشاء وقعدنا في الصالة كنا بنتفرج على الشاشة في هدوء لكنه قطعه بسؤاله
آية أنت مبسوطة معايا
كنت نايمة على رجله ف قومت قعدت قصاده وجاوبته
عمري ما حسيت براحة وأمان زي ال حسيتهم معاك يا غيث حاسة إن ربنا بيحبني وراضي عني علشان كدا خلاني مراتك 
متأكدة 
والله العظيم يا غيث أنت مش مقصر معايا في أي حاجة والله العظيم أنا أسعد انسانة في الدنيا علشان معاك صدقني مفيش حاجة توجعني أو تزعلني غير إنك تسيبني لوحدي من غيرك
بطل إحساس الذنب ال بتحسه دايما دا علشان أنت أعظم زوج وأحن انسان في الدنيا 
كل مرة بنكون فيها قدام النيل أو البحر بفتكر فيها زمان وبحس إني رجعت لنقطة الصفر من تاني 
طبيعي مش هتنسى كل ال فات بس على الأقل تعايش معاه ال حصل كان قضاء وقدر كان نصيبه كدا كان ممكن يحصل العكس علفكرة بس إرادة ربنا كانت كدا أنت مش جاني يا غيث 
أومال هي ليه مش فاهمة كدا يا آية
سؤاله ال بقف قصاده عاجزة مش بعرف أجاوب عليه إجابة مرضية ف بختار السكوت وهو بيبتسم پألم ويهز راسه بيأس 
قربت حطيت راسه على كتفي واتكلمت بهمس كان سامعه
مش مهم نظرة ورأي أي حد فيك طالما حاسس إن ربنا راضي عنك يبقى مش يشغلك أي حاجة وبعدين مش مكفيك رأيي فيك ولا إيه
تاني يوم صحينا متأخر شوية جهزت له لبسه ولبست أنا كمان علشان ننزل عند مامته كل جمعة متعودين نقضيه كله معاهم برغم عدم راحتنا بسبب نظراتها وكلامها إلا إنه بيعمل كدا علشان خاطر ربنا وعلشان خاطر باباه 
صباح الخير يا بابا صباح الخير يا ماما 
صباح النور يا حبيبتي
دخلت أنا وهو وقعدنا وباباه هو ال بيتكلم لحد ما اتكلمت أنا
فيه حاجة أعملها لك يا ماما 
لاء
جاوبتني من غير ما تبص لي متعودة عليها كويسة معايا لكن طول ما هو موجود بتعاملني وحش مش بكون فاهمة هي بتعمل كدا ليه بس بستحملها علشانه 
قام يروح يصلي هو وباباه وفضلت أنا معاها قعدت شوية ساكتة بعدين قومت أشوف المطبخ وجهزت حاجات الغدا وخرجت قعدت جنبها تاني واتكلمت
هو أنا ممكن أسألك سؤال 
إسألي 
أنت ليه پتكرهي غيث أو يعني إزاي قدرتي تكرهيه 
والله المشاعر بقا مش بإيدنا 
دا مش مبرر وحتى لو المشاعر مش بإيدنا بس دا ابنك! حتة من روحك! 
بلاش تدخلي في حاجات متخصكيش يا آية أنا كويسة معاك لحد دلوقتي 
ما أنا مينفعش أشوف جوزي تعبان ومقهور من علاقتك بيه وأسكت أنا مش هعرف أكون مرتاحة وهو كدا 
مكنتيش وافقتي عليه أنا أصلا مش مصدقة إن فيه حد مستحمله بس هي الدنيا كدا دنيا العجايب! 
أنا ال مس مصدقة إن إزاي ممكن حد ميحبش غيث أنا طول عمري هفضل أحمد ربنا إنه نصيبي زي ما أنت المفروض تحمدي ربنا إنه ابنك 
أنا ابني ماټ
استغربتها واتوجعت جدا من جملتها وقبل ما أرد عليها سمعت صوت الباب ف سكت دخلوا وقومت أجهز الغدا معاها وقضينا اليوم وطلعنا كان زي كل مرة حزين وساكت لكن قبل ما يدخل ينام اتكلمت
ما تيجي نسمع كرتون وتشوف العالم الموازي ال كنت عايزة أعيشه
مش عايزاه كل مرة ينام وهو زعلان ودماغه تفكر كتير بس في نفس الوقت مش عارفة أحل المشكلة دي 
تاني يوم كنت بجهز الأكل وكان ميعاد رجوعه قرب خلصت ودخلت أبدل هدومي لكن سمعت صوت عالي تحت لبست الإسدال وخرجت بسرعة ف سمعت صوته هو ومامته وباباه واقف بينهم بيحاول يهديهم نزلت بسرعة لكن جملتها خلتني أقف مكاني لثواني بدون تصديق
ياريتك أنت ال مت وكان أخوك ال فضل عايش منك لله
مستوعبتش كلامها ومحسيتش بأي حاجة غير إني نزلت وقفت قصادها ورديت عليها بقوة
بعد الشړ عليه يارب ال يكرهه ويتمنى له الشړ 
أنا مش عارفة أنت أم إزاي 
قولت لك متدخليش أنت 
لا هتدخل دا جوزي وأنا مش هسمح لك تعملي فيه كدا 
إشبعي بيه يا حبيبتي بكرة ټندمي وتقولي ياريت ال جرى ما كان 
سمية! كفاية كدا 
أنا داخلة مش طايقة أشوف وشه أصلا
لفيت له ومسكت إيده وقولت له نطلع طلع درجتين من السلم وحط إيده على صدره ووقع صړخت باسمه وقعدت بسرعة على درجة السلم ورفعت راسه على رجلي وبدأت أفوقه
غيث غيث
مكانش بيرد بدأت أصرخ وخرج باباه ومامته على الصوت حتى الجيران اتفزعوا واتجمعوا في أقل من نص ساعة كنا في المستشفى وواقفة قصاد باب الأوضة مستنية أي حد يخرج يطمني بصيت لها لقيتها باين عليها الخۏف شوية لكني مهتمتش واتكلمت
إدعي يكون بخير والله العظيم لو جرى له حاجة لأشخصنها معاك أنا طول الوقت بعاملك كويس علشانه هو
مديتهاش فرصة للرد ورجعت وقفت قدام الباب تاني لحد ما خرج الدكتور
الحمدلله فاق لكن حالته مش أحسن حاجة واضح إنه بيتعرض لضغط نفسي شديد عامة التحاليل والإشاعة هتعرفنا كل حاجة 
طب ممكن أدخل له
ينفع كدا أنا قولت روحي اتسحبت مني والله 
حقك عليا 
أنت كويس دلوقتي حاسس بۏجع 
أنا كويس مټخافيش
أنا عايز أخرج من هنا 
الدكتور هيطمننا عليك وهنخرج علطول
خرجنا إحنا التلاتة وكان الدكتور جه ف اتكلمت أسأله على خروجه
هو ممكن يخرج النهاردة 
أيوا بس مطلوب متابعة مع دكتور متخصص 
يعني إيه 
ابن حضرتك تعبان عنده اضطراب نظم القلب وواضح إنه بسبب حالة نفسية ودا ال لاحظناه من كلامه لما سألته عن ال بيحس بيه الوضع حتى الآن مش خطېر لكن لو فضل كدا ومحصلش تحسن للأسف هيبقى الوضع سيء جدا وخطړ على حياته
خلص كلامه ودخل الأوضة وأنا قعدت على الكرسي حطيت وشي بين كفوفي وعيطت لما حسيت إني ممكن أخسره قرب باباه يطبطب عليا ف رفعت راسي له وبصيت عليها واتكلمت
ليه ليه كدا ذنبه إيه مبسوطة كدا لما لما هتخسريه هو كمان
مردتش لكني لاحظت حزنها مسحت وشي ودخلت له تاني وساعدته وروحنا 
غيث 
عيونه 
ما تيجي نعيش لوحدنا 
طب ما إحنا عايشين لوحدنا 
لاء قصدي نعيش في بيت غير دا كنت شايفة إعلان عن شقة من أسبوع كانت حلوة وموقعها ممتاز حتى سعرها كويس برضه 
البعد عن هنا مش هيحل حاجة يا آية أنا فاهم قصدك 
أنا عايزة أعمل أي حاجة تخليك مرتاح وكويس 
خليك جنبي وبس
بتفوت الأيام والوضع زي ما هو الفرق بس إنه مبقاش ينزل تحت عند مامته خالص هو بيقابل باباه أوقات الصلاة بس بنروح نتابع مع دكتور علشان حالته لكن في كل مرة بيطلب منه نفسيته تتحسن لكن بيكون التنفيذ صعب برغم إني بعمل له كل شيء يفرحه لكن هيفضل موضوع مامته النقطة السمرا في الصفحة البيضا 
بابا ممكن أطلب من حضرتك طلب 
أكيد يا بنتي 
ممكن تقنع غيث يوافق على أوفر الشغل ال جاله 
شغل فين 
في دولة تانية أنا حاسة إنه هيرتاح أكتر وحالته هتتحسن بس هو رافض يسافر 
مين ال هيسافر
كانت لسة داخلة لفيت لها وجاوبتها
غيث جاي له أوفر سفر لكنه مش موافق 
وأنت 
أنا عايزة نسافر علشانه علشان حالته تتحسن شوية 
ربنا يوفقه
قالت كدا ودخلت أوضتها 
معلش هي كانت عند عمر 
ربنا يرحمه بس أنا مش عارفة أنا جوزي ذنبه
إيه تعامله كدا وتخليه طول الوقت حاسس بالذنب وإنه السبب في كدا 
ملوش ذنب دا أمر الله وكان لازم يحصل 
طب ليه هي مش زي حضرتك ومش فاهمة كدا 
هي خاېفة
بصيت له بعدم فهم وقبل ما أسأله سمعت صوت العربية ف قومت بسرعة وطلعت شقتي خلعت الإسدال وسخنت الأكل على ما طلع اتغدينا وكان فيه متابعة النهاردة ف سبقني على تحت وأنا كنت لسة بلبس خلصت وخرجت لكن لقيت مامته كانت خارجة من شقتها ف فضلت واقفة أتابعهم
أنت خارج 
أيوا رايح أشوف الدكتور هيقول باقي في عمري كام علشان ترتاحي مني ورغبتك تتحقق
غمضت عيني پألم من كلامه وفوقت على صوته وهو بينده عليا ونزلت 
ما تيجي نتمشى شوية
كنا لسة نازلين من عند الدكتور وكنت مبسوطة شوية لإن الحمدلله حالته كانت أحسن من المرة ال فاتت مسكت في دراعه واتمشينا وسألته
تفتكر أول بيبي لنا هيكون بنت ولا ولد 
أنت عايزة إيه 
مش عارفة بس جوايا رغبة إنها تكون بنت في نفس الوقت خاېفة تيجي بنت وتاخد هي كل الحب والدلع وأبقا أنا مركونة على الرف 
مركونة على الرف عيب يا حبيبتي متقوليش كدا أنت هتتركني على جنب مش على رف 
والله 
مش بقول الحقيقة! 
ماشي يا غيث إبقا اشبع بيها وأنا أصلا أول بيبي هيكون ولد إن شاء الله ووقتها أنت ال هتتركن على جنب 
بهزر معاك أنا مقدرش أبعدك عني أينعم حبي لأولادنا هيكون كبير وملوش حدود بس دا علشان هيكونوا منك 
ربنا يبارك في عمرك ويديمك لنا يا حبيبي
فاتت الأيام وباباه أقنعه إنه يوافق على السفر علشان دا أفضل له ولحياتنا وفعلا وافق بعد الزن الكتير وإتحدد ميعاد سفره 
والنهاردة كنت بجهز الشنط ف سمعنا صوت جرس الباب خرج يفتح وأنا وقفت على باب الأوضة أشوف مين ف لقيتها هي خۏفت أوي يتخانقوا سوا ويتعب تاني ف فضلت واقفة بعيد عنهم شوية أسمع كلامهم
أنت هتسافر صحيح 
أيوا علشان ترتاحي مني 
أنت شايف كدا 
أنت شايفة غير كدا 
طب أنا مش عايزاك تسافر 
ليه مش دايما بتقوليلي إن نفسك ربنا يخلصك مني مش دايما شايفاني السيء في رواية الماضي مش طول الوقت مش بتبصي في وشي علشان كارهاني أهي الفرصة جت لك أهي وهترتاحي مني وأوعدك إني مش هرجع هنا خالص 
غيث أنت مش فاهم حاجة 
مش فاهم حاجة هو فيه أكتر من كدا حاجة مش فاهمها يا شيخة دا أنا محدش اتقهر ولا اتوجع زيي بيقولوا إن جيش الإنسان الوحيد