رواية زواج سريع كاملة

هتيجى تنام هنا .
فبصلى وتنح وقال طيب اروح انام فين .
فضحك وقلت فندق يا حبيبى .
اصلا هنا هيبقوا طول اليوم عمال بيوضبوا فى المكان والبيجيب طاولات.
والبيزوق فى المكان غير بتوع الاكل والمشروبات يعنى هيصه .
وانت اصلا نومك خفيف خالص ومش ممكن هتبقى نايم فى الجو ده. والنوم المتقطع هيتعب اعصابك يبقى تاخد بدلتك من الصبح فى العربيه تحضر تدريبك وتطلع على الفندق تتغدى وتنام ساعه او اتنين. وتقوم تاخد دش وتلبس وتتشيك وتيجى وهيبقى لسه على ميعاد وصول الناس ساعه او اتنين .
فقال طيب انتى هتعرفى تظبطى كل حاجه لوحدك .
فقلت اصلا انت هتكلم النهارده المكتب وقدامنا خمس ايام نوضب فيهم .
ونرتب وانت هيبقى عندك علم بكل صغيره وكبيره ومتفقين عليها .
يعنى اليوم ده تنفيذ وبس وغير كده انت هتيجى قبل المعاد يعنى لو ليك تعديل او ملحوظه نقدر نعدلها .
فقال طيب انتى هتعرفى تتعاملى مع العمال .
فقلت وانا اتعامل معاهم ليه .
انا هاتعامل مع مهنددسه الديكور يعنى لو حاجه مش عاجبانى هطلبها منها وهيا تقولهم ما هما هيبقوا تبعها.
فقال طيب والطباخين .
فقلت زيهم بالظبط هنطلب الهيجيبوا الاكل يكون فى ناس بتقدم الاكل.
ومنهم تكن بنت لانى هيا الهتعامل معاها لغايه لما انت تيجى .
فقال طيب انتى مش هتنامى اليوم ده .
فقلت لا هاصحى متاخر او انام بعد ما تمشى شويه وخلاص وانا اصلا مش بحب نوم الضهر قوى .
او مش بيفرق معايا زيك انا بنام بس عشانك وبس .
وقلت يلا بقا ننزل النهارده نلف على المطعم ونتفق معاه .
وعلى مكتب الهندسه ونشوف شويه تصميمات ونشوف الحلويات ونجهز كل حاجه.
وفعلا قمنا لبسنا ورحنا المكتب الاول واتفقنا معاهم .
وبعدها على الفندق الهيجيب الاكل واتفقنا على الاكل والمشروبات السخن والبارد على الناس الهتقدم الاكل .
واتغدينا هناك .
وروحنا اتفقنا على تورته عليها صوره لفرحنا والجاتوه والحلويات التنيه .
ورحنا اتمشينا شويه على البحر وطبعنا اكلنا دره وشربنا حاجه ساقعه واتعشينا بره ورجعنا..
الحلقه السادسه والعشرين ..
وروحنا اتفقنا على وتورته عليها صوره لفرحنا والجاتوه والحلويات التنيه .
ورحنا اتمشينا شويه على البحر .
وطبعنا اكلنا دره وشربنا حاجه ساقعه واتعشينا بره .
ورجعنا ونمنا .
وتانى يوم رحنا النادى .
ووليد حكى لخالد ومحمد على العزومه .
وخالد قال هيبعتلى مراته تساعدنى ووليد عزم كل النادى اصحابه والبيشتغلوا وصحفيين .وروحنا البيت.
واتصل على ناس قرايبه .
و قلتله ايه رايك عايزه نعمل حاجه تكون تذكار لليجى الحفله عشان يباركلنا.
فابتسم وقال حاجه زى ايه .
فتحمست وقلت ايه رايك فى مج مثلا يكون عليه صوره من صور فرحنا .
فقال مج ماشى بس الصوره لا .
فقلت ليه .
فقال يا سلام وعايزه الشعب المصرى يكون عنده صوره ليكى لا طبعا مقبلش انتى بتاعتى وبس .
وكمان ماضمنش يوصل لايد مين الصور فمش هينفع .
لو موافقه نخلى المج وعليه اسمينا وجمله حلوه تحته .
فضحكت وقلت عارف كنت متاكده انك مش هتوافق على موضوع الصور بس حبيت اختبرك .
فرفع حاجبه وقال بتختبرينى يا رونى .
طيب ماشى .انتى لازم تتعاقبى .
وقام وقعد يزغزغ فيا وانا اقوله خلاص والله حرمت .
وقمت وقلت انا هاخد شور سريع قبل ما انام .
وفعلا دخلت اخد شور وانا تحت الدش سمعت حركه فى السخان وبصيت شفت ديل وعرفت انه فار فطفيت الدش ولبست بسرعه وطلعت وعماله ابكى وصحيت وليد .
وهو اتخض اول ما شاف دموعى .
وقالى مالك ايه الحصل وانا مش قادره انطق وشاورت على الحمام .
فقام جرى وډخله مالقاش حاجه غريبه .
وجه قومنى من جنب السرير .
وقالى ايه الحصل فشاورت على الحمام .
ووقعت واغمى عليا.
وبعد شويه فوقنى وكان قلقان جدا .
وقالى فهمينى فيه ايه .
حاولت اتكلم وصوتى مش طالع 
فقالى انتى مش قادره تتكلمى .
فهزيت راسى باه .
فجاب ورقه وقلم وعنيا كانت كلها دموع .
وكتبت وانا تحت الميه حسيت بحركه فى السخان ولما بصيت عليه لقيت ديل فار .
خاېفه تكون الڼار حرقته او اتلسع من سخونت السخان او جراله حاجه.
انا مش هسامح نفسى على العملته فيه .
فقعد يقراى فى الرساله مره واتنين وانا مڼهاره من العياط وبصلى شويه وهو ساكت .
فقالى بعدها رونى انتى الحاله الانتى فيها والعياط وصوتك الراح وكمان يغمى عليكى عشان الفار .
فبصتله بغيظ وكتبت هو ذنبه ايه عشان اتخلق فار فاحنا نحرقه .
اعمل ايه انا دلوقت اطمن عليه ازاى .
فتنهد وقال يعنى انتى بتحبى الفران قوى كده .
فقلت لا طبعا ولااقدر المسه حتى .وبخاف منهم .
بس ده مش معناه انى احرقه .
فقال طيب انتى عايزه ايه دلوقت 
فكتبت مش عايزه غير اطمن عليه.
ذنبه فى رقبتى مش هسامح نفسى .
ازاى ما حستش بيه وشغلت السخان .
هو استخبى عندنا واستائمنا على نفسه واحنا خناه وحرقناه .
وانهرت فى العياط .
فتنهد وقام بص على السخان .
ورجع قال هو مشى مش هنا .
يبقى ان شاء الله كويس .
قومى انتى بقا عشان اخدك للدكتور عشان نشوف صوتك الراح ده.
وفعلا لبسنا وروحنا كشفت.
وقالنا من الخضه فى الحمام والمفاجئه هيا الخلت صوتى راح .
ولازم يبقى عندى اراده واحاول اتكلم عشان يرجع صوتى .
وفعلا قعدت يومين مش بنطق خالص والتالت هو البتدى يخرج منى صوت ضعيف لغايه لما بقيت كويسه .
ووليد كان زعلان جدا عليا وخاصه ان حالتى النفسيه كانت سيئه ومش ببطل عياط .
وحكى لااهلى عليا .وماما قالتله هيا اصلا لو شافت فرخه عند حد والفرخه دى كانت تعبانه او متعوره ممكن تعقد ټعيط عليها .
وتبعت تشتريلها دوا وتبقى مڼهاره على ۏجع الفرخه دى .
لدرجه لو حد مربى فراخ او حيوانات عنده مش بخليها تشوفها عشان الحاله البتبقى فيها لو عرفت انه تعبان.
ووليد كان عايز يلغى حفلت جوازنا عشان تعبى .
بس انا طلبت منه يستنى لو فضلت حالتى كده .
نلغيها قبلها بيوم ولو خفيت نكملها .
والحمد لله خفيت قبلها بيومين .
وكلمت المهندسه اننا نعمل فريق عمل مكثف ونشتغل فيه اليومين دول .
ويوم الحفله وان شاء الله تطلع حلوه وفعلا جات شافت الشقه وكان المكان واسع واتفقنا هنفتح اوضه المكتب على الصاله بما انها فيها صالون وعندنا الصالون والسفره عدنا ترتيب مكانهم .
عشان نجيب كراسى تانى وشافت الصالون البابا جابه. وظبتنا مكانه بحيث ندخل فيه قاعده تانى واتفقنا هنعلق الزينه يوم الحفله هيا هتيجى بفريق العمل الساعه 11 الصبح .
واتفقت على المجات العليها اسمنا وصوره قلب فى النص .
بس انا اصريت انى مش هاكتب راندا هاكتبه رونى .
ونزلت مع مرات خالد اشترينا فستانين سواريه ومشتملاتهم .
وحجزت مع بيوتى سنتر عشان يجوا يعملولى ماسكات ولفت طرحه بدون ميكب .
وده طلب وليد وقالى كفايه قوى خليتك تحطى الميكب يوم الفرح قدام الناس .
وانا كنت سعيده بغيرته .احلى ابتسامة .
ووافقته .مع انى كنت متاكده ان زوجات اصحابه هيبقوا عملين البدع .
بس عشان حبيبى وخاطر ربنا قبل كل حاجه مع عملتش ميكب .
وجه يوم الحفله ووليد راح التدريب وخد بدلته والحاجات الهيحتاجها وكان حاجز فى الفندق من قبلها بيوم .
وراح التدريب الصبح وبعدها على الفندق .
اما انا صحيت على 10 الصبح خدت شور ووضبت الشقه وكان معايا مرات البواب هنيه .
وجات المهندسه وعمالها واشتغلوا وعلى الساعه اتنين. طلبت غدا من المطعم ليا وليها والعمال وهنيا .
واتغدينا وكملنا شغل والجاتوه اتفقنا يجى العصر عشان كنا عايزينه طازه .
معمول فى نفس اليوم وشلناه فى التلاجه .
والعشا واكل الحفله جم بعد المغرب على الساعه 6 .
ووليد جه سته ونص .
ومشى العمال ماعدا هنيه وطقم السرفيس الهيقدموا الاكل وكان كل حاجه جاهزه .
حتى وليداتفاجئ وكان عاجبه جدا النظام .
وانا سبتهم ودخلت خدت شور وكنت متفقه ان الساعه 7 هتيجى الهتلفلى الطرحه ولبست وحطيت كريم بشره وتفتيح بس وبالعافيه بعد ما اتحايلت على وليد كحله .
ولفيت الطرحه.
بس اشترط ان افضل جنبه طول الحفله .
وفعلا اغلبها كان قريب منى .لغايه لما جه واحد اسمه كابتن محمود وسال عليا .
فاستغربت لما جالى وقال انتى مرات كابتن وليد.
فابتسمت وقلت ايوه يا فندم شرفتنا حضرتك .
فمدايده ليا وقال ازيك .
انا كابتن محمود
علوى .بطل مصر فى التنس.
بس قبل ما اقوله انا مش بسلم بالايد كان وليد جه سلم عليه وقاله اهلا يا كابتن محمود .
وانا بصتلهم ومارتحتش لنظراتهم الناريه لبعض .
فمد ايده مره تانى ليا .
فمد وليد ايده تانى وسلم عليه .
وقاله معلش اصلا مش بتسلم على رجاله .
فبصلى ورفع حواجبه وقال كمان .
لا والله تستاهل يسموك الكبير يا كبير .
وبصلى وقال معلش يا مدام اصل كابتن وليد نسى يعزمنى .
وهو غالى عليا ومكانش ينفع حفله زى دى تعدى من غير ما احضرها .
انا اتكسفت من الموقف وبصيت لوليد بعتاب وقلت معلش احنا طبعا اسفين .
هو عزم ناس كتير فاكيد افتكر انه عزم حضرتك معاهم .
فقالى ولا يهمك انا هاسامحه عشان خاطرك بس .
وكمل وقال ايه يا مدام مش هتجبيلى حاجه اشربها ولا انتى بخيله زى وليد .
فقلت لا والله وليد مش بخيل ابدا .اتفضل حضرتك ثوانى وابعته ليك .
فقال ليه انتى مش بتحبى تحيى ضيوفك بنفسك وتقدميلهم واجب الضيافه بنفسك .
فاانا اتكسفت وبصيت لوليد القبل ما عينى توصله كان ساحب الكابتن محمود من ايده .
وقاله وهو دايس على سنانه .
اتفضل مع الرجاله جوه وانا هاجيبلك واجبك بنفسى .
انا طبعا اتكسفت انه شده كده قدام الناس بس الحمد لله انه خده من قدامى بدل الاحراج الكنت فيه .
وكان ناس كتير معزومين وطبعا اكيد فيه معجبات بالكابتن سواء قرايبه او غيرهم .
زي مثلا انسه نوران الما تعرفش هيا لابسه ايه وقالعه ايه .
وجات وقالت انتى بقا بتاعت البلد الجابهالنا وليد .
طبعا انا كنت متوقعه ان كابتن وليد الوسيم المشهور عنده معجبات .
وممكن يكونوا فى الحفله .
وممكن يجوا مخصوص عشان يحرقوا دمى او يبوظوا الحفله خالص .
فاستعديت نفسيا لكذا سناريوا.
وقلت ايوه يا انسه واتكيت على انسه انابتاعت البلد .ايه رايك 
فبصتلى من فوق لتحت وقالت مش قد كده 
فقلت عشان كده جيالي لغايه عندى وواقفه تكلمينى.
فمالت عليا وقالت لا عشان اقولك ان وليد ما عرفش يختار .
فضحكت بصوت عالى وقلت الانسان بيدور لنفسه على احسن حاجه ويحب ياخدها ويحتفظ بيها لنفسه .
فاكيد ما لقاش هنا حد احسن منى فاضطر يجيلى لغايه البلد ويطلبنى عشان ابقى مراته .
ولا ايه .
بس ما كملناش حوار نا الممتع عشان وليد شاورلى عشان يعرفنى على ناس قرايبه وبعد شويه .
رحت اطمن على البوفيه .
واخدت بالى ان نوران