رواية زواج سريع كاملة

لقيت ايد وليد .
خد التليفون واتفاجئت انه واقف ورايا من بدرى وانا الهبله مش واخده بالى . وانا سبته ورحت على السرير واتغطيت حتى راسى .
مهو مش هينفع ابصله بعد السمعه منى . ورد عليه وقال كفايه رغى يا واد احنا مش فاضيلك . فرد محمد وقال ايوه طبعا عريس ويحقلك بس اعمل حسابك هاجى مع ماما وتحكيلى بالتفصيل الممل كل حاجه . هاسيبك تستمتع يا وحش . فرد وليد سلام يا خفيف .وقفلوا . وجه وليد نام جنبى على السرير .
وقال ايه انتى مش كنتى هترتبى الهدوم . فابتسمت وانا تحت مفرش السرير وقلت لا يوم تانى ان شاء الله . فقال بكل سهوكه اقولك ايه يا محمد على القاله احلى كلام ممكن يتقال .
وتنهد. وقال بهيام انا اصلا اول ما شفته نسانى الدنيا وما فيها ومكنتش اقدر غير اقوله نعم وحاضر . فصړخت وقلت اسكت خلاص .
انت مش تكح او تعمل صوت . انا اصلا كنت فكراك روحت تقعد قدام التليفزيون او تعمل اى حاجه مش واقف ورايا . فضحك وقال انا اصلا كنت رايح اجيب الشاحن عشان ما يفصلش واشحنه . بس جيت لقيتك هيمانه وواقعه فى غرامى ولا ايه يا رونى ما تتكسفيش قولى قولى يا حبيبتى عبرى عن احساسك . فقلت فى نفسى انا عارفه مش هيسكت غير لو اضرب . وفعلا رميت المفرش وطلعت وقعدت اضرب فيه وهو يضحك واقول اسكت كفايه كلام وهو يضحك . ومسك ايديا ونيمنى على السرير وبصلى فى عنيا وقال بحبه ياابه . هتلى وليد يا ابه . هو انتى كنتى فعلا هتولعى فى البيت لو كنت سبتك فضړبته با ديا ورجليا واقوله اسكت اتلم اسكت ما تتكلمش تانى .
وهو يضحك ولف ايه حواليا وشدنى نيمنى فى حضنه وقال ايه انتى طلعتى قطه بتخربش كمان . فضحكت وحاولت افلت بس ما قدرتش وقلت خلاص عشان خاطرى كفايه تكسفنى اكتر من كده مش هاتكلم مع حد تانى عشانك . فباس دماغى وقال والله بحبك قوى يا رونى ربنا يخليكى ليا . يلا بقى خلاص ننام ولما نصحى نشوف موضوع الشنط .
وكمل وقال بس ما قلتيش هو انتى جايبه ايه فى الشنط دى .
فقلت هدوم بنات عمامى هما الرتبوها وانا رحت ساعتها اغير عشان البس لبس خروج عشان ما اتاخرش عليك . انت بتسال ليه .
فضحك وقال باطمن على مستقبلى يعنى فيه هدوم من البتبقى مقطعه دى بتاعت العرايس ولا لا .
فضړبته وقلت اطلع بره يا قليل الادب انت عايزنى البس الهدوم المقطعه دى بتاعت العرايس دول مش مودبين .
فضحك وقال ليه يا حبيبتى هو انتى مش عروسه .
فقلت عروسه بس محترمه .مش زيهم .وانت عايزنى ابقى مش محترمه .
فضحك وقال يا ريت .
فقمت وقعدت اضرب شويه واقول انت قليل الادب شويه واطلع بره شويه .
وهو كل ما يهدينى يرجع يناكف فيا وفضلنا كده لغايه لما نمنا .
.بس اصر انى انام فى حضنه .
وانا طبعا رفضت بس شدنى ولف اديه حوليا وغمض عنيه وما رضيش يرد عليا .
لغايه لما بطلت كلام وانا مكسوفه انى انام كده جنبه طيب يقول عليا ايه مش مودبه.
بس محستش بنفسى لما غمضت عنيا ورحت فى سابع نومه .
.. الحلقه السابعه عشر ..
لغايه لما بطلت كلام وانا مكسوفه انى انام كده جنبه طيب يقول عليا ايه مش مودبه.
بس محستش بنفسى لما غمضت عنيا ورحت فى سابع نومه .
وصحيت عليه وهو بيحرك صوابعه على خدى وفتحت عنيا لقيته قاعد مبتسم وبيبص عليا.
وبيقولى يلا يا حبيبى الفجر هيئذن تعالى نصلى مع بعض.
فابتسمت وقلت انت دايما هتصحى قبلى كده .
فضحك وقالى طيب اعمل ايه لو انتى كسلانه .
فقلت والله بقى كده ماشى .
فضحك وقال خلاص يا زعوله ما تزعليش .
انا اصلا اتعودت اصحى قبل الفجر اصلى ركعتين واصلى الفجر وبعدها انام شويه واصحى على ميعاد التدريب .
فقلت فقلت يبقى العيب مش فيا الموضوع بينا فرق توقيت انت بتصحى قبله بشويه انا بصحى فى الاذان نفسه او بعده على طول .
فضحك وقال هو يبقى فعلا فرق توقيت بين القاهره والصعيد هو العمل كده مش ذنبك خالص .
وضحكنا على كلامى وقمنا صلينا قيام الليل ودخلنا البلكونه نستنى نسمع اذان الفجر .
والجو كان منهى الروعه نسمت الفجر دى بتبقى مالهاش حل .
فقلت هو المسجد فين .
فشاور عليه وقال اول الشار ع اهو .
فقلت طيب دا قريب قوى .
ومسكت ايده ودخلته بسرعه وقلت روح البس بسرعه وانا دقيقتين وهابقى جاهزه .
فاستغرب وقالى مالك يا مجنونه ايه النلبس دى هنروح فين دلوقت
فقلت مش عيب تبقى صاحى وما تنزلش تصلى فى المسجد .
فقال ماشى هانزل انا اصلى وانتى تلبسى ليه
فقلت وانت
فاكر هاسيك تنزل الساعه دى لوحدك .
اكيد محتاج حد ياخد باله منك عشان كده هاروح معاك .
فكتف ايديه ورفع حاجبه وقال والله هتيجى تاخدى بالك منى
فابتسمت وقلت برجاء وليد انت شفت الجو حلو ازاى .وانا كان نفسى من زمان انزل من زمان واشم الهوا واتمشى ده فى الشارع .
بس طبعا ما كنش ينفع الكلام ده فى الصعيد بس هنا الدنيا فرى اكتر .
عشان خاطرى ننزل نصلى ونتمشى شويه .
واتكلمت وكانى افتكرت حل مشكله فلسطين .
وقلت اسكت امبارح عشان نمنا متاخرين ما صحيناش نتعشا .
خلاص ما تزعلش هاعزمك على اقرب محل طعميه انسى .
تخيل ريحه الطعميه السخنه مع الهوا بتاع الفجر خيال يلا بقى .
فقال طعميه ايه العايزاها دلوقت دا المحلات زمانها قافله .
فقلت بهدوء ما انا مقلتش هنروح نفطر الاول .
لا نصلى الاول وهنتمشى لغايه لما نوصل المحل .يعنى وقت .
وبعدها لوكان لسه ماكنتش جاهزه نستناها لما يطيبها ويا سلام لو جبنا معاها اتنين كنز تفاح اوعى وشك اجر جمال.
ولما لقيته ساكت .
قربت منه وقلت وانا بصله هو انت مش بتقول انى حبيبتك
فبصلى بهيام وقال وحبيبتى ودنيتى كلها يا رونى .
فابتسمت وقلت بدلع ويهون عليك حبيبتك تزعل واقعد زعلانه واحط ايدى على خدى
فابتسم وقال لا طبعا متهونيش عليا تزعلى وتحط ايدك على خدك .
فسبته وانا رايحه للاوضه وقلت دقيقتين وتبقى جاهز .
فنده عليا وقال رونى هو انتى مالكيش فى موضوع الرومانسيه والاحاسيس خالص
فضحكت وقلت ليا طبعا .
بس مش بعرف اسبل عنيا والحركات بتاعت البنات دى .
فقال مش عارف ليه حاسس انى اخدت طفله اربيها واكبرها وبعدين اتجوزها .
وقطع كلامنا صوت الفجر وجريت البس بسرعه ولبسنا ونزلنا وصلينا هو ماكنش فيه ناس كتير .
بس كنت فرحانه قوى وكانى بصلى صلاه العيد .
وخرجنا وكانت الشوارع هاديه وكنت حاسه انى طفله واحنا ماشيين .
هو كان مدخل ايده فى جيب البنطلون ومبتسم .
وانا ماشيه اتكلم عن احساسى بفرحتى بالفسحه دى واقوله اننا لازم نعملها كل يوم .
وسالته انت مانزلتش فى الوقت ده قبل كده
فقال انا ممكن انزل اصلى الفجر بس برجع على طول عشان انام شويه مش بتمشى .
فقلت خلاص كل يوم هاخدك معايا ان شاء الله.
فضحك وقال يبقى شكرا والله دا هيبقى لطف كبير منك .
ووقفت فجاه .وغمضت عنيا .
وقلت الله ..الله ..الله .. شامم يا وليد الريحه الحلوه دى زشامم الطعميه بتندهلى ازاى .
وكملت وقلت جيالك يا غاليه استنينى . وعدلت عليه.
وقلت احنا عايزين فانتا تفاح الاول عشان نشربها واحنا بناكل سندوتشات الطعميه .
فهز راسه بمعنى ماشى .
فانكجته وقلت ماشى يلا بينا .
فبصل لايدى وبصل لوشى النظره الحلوه الحبيتها منه .البحس منها قد ايه هو بيحبنى وان قلبه ده مش ساكن فيه غيرى .
وقالى رونى .
فقلت نعم .
فقال انا بحبك قوى .
فشلت ايدى الكنت مانكجاه بيها وحطيت اديا على وشى .
وقلت ليه الاحراج ده دلوقتى.
فضحك بصوت عالى وشال ايده من جيبه وحطها على كتفى ومشانى معاه .
وروحنا جبنا الكنز وقلت خلينا ناكل فى المطعم .
وكان مافيش غيرنا بياكل فيه وكنت مبسوطه جدا .
ورجعنا غيرنا ونمنا وظبط المنبه عشان نصحى.
بس انا عملت نفسى نايمه ولما نام قعدت جنبه على السرير عشان لما يصحى يلاقينى انا صاحيه قبله ومسكت الموبايل فى ايدى عشان لو رن هاطفيه واصحيه انا .
وقعدت اتامله وابتسم وحسيت زى الطفل وهو نايم .
وقلت يلا احنا الاتنين اطفال واتجمعنا مع بعض .
بس اتغظت انه لما اتعدل وادانى ظهروا .
فقلت ماشى ونزلت بالراحه على طراطيف صوابعى ولفيت حوالين السرير .
وقعدت على ركبى على الارض وقلت ور ينى بقى هتهرب منى تانى ازاى .
وانا سرحانه فيه فتح عنيه فجاه وقال للدرجادى معجبه .
وانا اټخضيت وصړخت واترميت لورا .
وبصتله بغيظ وقلت انت صحيت دلوقت ليه .
فضحك واتعدل وقام شالنى من على الارض ونيمنى على السرير وقعد يزغزنى .
وقال هو الربنا رزقه بطفله شقيه زيك هيعرف ينام .
انااصلا حسيت بيكى لما قمتى اصل انا نومى خفيف .
فاتغظت اكتر وقلت طيب مش تقول بدل الاحراج الواحد فيه ده .
فقعد جنبى على السرير وقعد يضحك وقال انتى مش ممكن يا رونى فيه كده يا ناس .
قومى البسى يا شاطره عشان نروح التدريب طالما مش هنام النهارده .
وقمنا لبسنا وروحنا النادى وقعدنى مكانى ودخل يغير ولقيت جانى ..
الحلقه الثامنه عشر ..
قومى البسى يا شاطره عشان نروح التدريب طالما مش هنام النهارده .
فبصتله وقلت وليد انا عايزه اطلب منك طلب .
قالى امرى انا وروحى ملكك .
فابتسمت وبصيت لارض .
وقلت عايزه اتصل اصبح على بابا وماما .
قالى وايه المشكله .انتى فين تليفونك
فاتكسفت وقلت هو بابا كان اشترالى واحد من كام شهر بس انا حسيت انه مالوش لزمه معايا فاديته لاختى .
هيا ممكن تحتاجه اكتر .
وما جبتش واحد قبل ما اجى .
فبصلى باستغراب وقال انت ما فتحتيش باقى الهدايا الفى الدولاب .
فابتسمت وقلت لا انا قلت كل كام يوم افتح واحده عشان ما افتحمش مره واحده وبعد كده يبقى ماعنديش هدايا .
فضحك وقام وطلع علبه وقال يا حبيبتى افتحيهم واجبلك غيرهم .
بس انا اقصد تليفونك ده مش الباباكى اشترهولك .
وفتحت العلبه لقيته واحد زى بتاعه اخر موديل طبعا بس بتاعه اسود وانا روز وفرحت بيه قوى وكان منتهى الشياكه وفيه سلسله قلب مكتوب جواها رونى .
فقلت انا هاكلمهم منه .
فضحك وقال بس لسه ما فهوش خط قومى البس ننزل ننروح النادى واشتر يلك خط واحنا فى الطريق .
وقمنا لبسنا وروحنا النادى واشترالى خط وقعدنى مكانى فى الاستاد.
وركبهولى