رواية جديدة

حسيت الدنيا بتلف بيا.
ليان كان عندها علامة صغيرة جدًا على شكل هلال تحت رسغها الشمال.
علامة كانت ظهرت من وهي صغيرة.
مش حاجة حد يعرفها.
مش حاجة تتقال.
وقفت.
الكرسي ورايا اتحرك پعنف.
سناء شهقت.
يا باشا
أنا بصيت لها.
إنتِ هتاخديني للبنت.
مينفعش.
ليه؟
عشان لو عرفوا
مين؟
سكتت.
قربت منها.
مين يا سناء؟
بدأت دموعها تنزل.
أنا خاېفة.
وأنا مش بخاف.
قالتها وهي بتبص في الأرض
هما أقوى منك.
سكت.
الجملة دي كان ممكن تطلع مضحكة لو قالتها أي واحدة تانية.
لكن سناء قالتها وهي مړعوپة فعلًا.
أنا رجعت قعدت.
احكي.
سناء مسحت دموعها.
بعد الحريق أنا كنت شغالة في الفيلا القديمة.
رفعت عيني لها.
إنتِ كنتِ هناك؟
أيوه.
أنا افتكرت.
سناء كانت وقتها بتشتغل في المطبخ.
بعد الحريق اختفت يومين.
وبعدين رجعت وطلبت تشتغل هنا.
أنا وافقت من غير ما أسأل.
كان كل همي وقتها إني أدفن نفسي في الشغل.
ليه ما قولتيليش؟
كنت خاېفة.
من مين؟
سناء سكتت شوية.
وبعدين قالت
من الست ناهد.
اسم وقع بينا زي الړصاصة.
ناهد.
مراتي.
أم ليان.
الست اللي أنا دفنتها بنفسي.
الست اللي قعدت سنتين كل ليلة ألعن نفسي لأني ما قدرتش أنقذها.
بصيت لسناء.
ناهد ماټت.
أيوه.
إنتِ بتقولي إيه؟
أنا شفتها بعد الحريق.
مستحيل.
وأنا كمان قلت مستحيل.
وقفت قدامي.
بس أنا شفتها.
فين؟
في المستشفى.
أنا سكت.
سناء كملت
بعد الحريق بساعتين، لقينا عربية إسعاف أخدت واحدة من المصابين من غير ما حد يعرف هي مين. أنا كنت فاكرة إنها عاملة من العمال. بعدين سمعت الدكتور بيقول إن الست عايشة، بس عندها إصابات شديدة.
ناهد؟
أيوه.
حسيت إني مش قادر آخد نفسي.
وإنتِ متأكدة؟
شفتها بعيني.
وليان؟
سناء نزلت عينيها.
كانت معاها.
قفلت عيني.
كل حاجة في دماغي بدأت ترجع.
ليلة الحريق.
صوت الإنذار.
المكالمة اللي جتني الساعة 217 الفجر.
الطريق.
الڼار.
الدخان.
والباب المقفول.
وقتها قالوا لي إن مفيش ناجين.
قالوا إن زوجتي وبنتي ماتوا.
وأنا صدقت.
سناء قالت
ناهد فضلت عايشة.
وبعدين؟
حد أخدها.
مين؟
معرفش.
وليان؟
اتاخدت معاها.
مين أخدهم؟
سناء بدأت ترجف.
الراجل اللي كان بيزور مدام ناهد قبل الحريق.
سكت.
مين؟
الدكتور سامح.
اسم قديم.
اسم كنت فاكره.
دكتور نفسي.
ناهد كانت بتقول إنه بيساعدها في علاج الاكتئاب بعد ولادة ليان.
لكن أنا ما كنتش مرتاح له.
خصوصًا إنه كان بييجي البيت من غير مواعيد.
الدكتور سامح ماټ من 8 شهور.
سناء بصت لي.
مين قال لك؟
تقرير الشرطة.
التقرير كان غلط.
فضلت ساكت.
الدكتور سامح عايش.
في اللحظة دي، باب السفرة اتفتح فجأة.
واحد من الحراسة دخل.
يا باشا.
بصيت له.
إيه؟
العربية اللي كانت واقفة عند البوابة اتحركت.
عربية مين؟
عربية سناء.
لفيت ناحية سناء.
هي قامت.
والله ما أعرف.
قربت منها.
موبايلك فين؟
طلعته بإيد بتترعش.
هنا.
أخدته منها.
لقيت رسالة واحدة.
رقم مجهول.
فتحتها.
كان فيها صورة.
صورة لطفلة صغيرة نايمة على سرير أبيض.
شعرها الأسود متبعثر حوالين وشها.
وفي إيدها الشمال
علامة الهلال.
وتحت الصورة جملة واحدة
لو عايز بنتك ترجع متدورش على ناهد.
قلبي دق پعنف.
بصيت لسناء.
مين بعت لك؟
معرفش.
الموبايل رن.
الرقم نفسه.
رديت.
ألو.
صوت رجل جه من الناحية التانية.
هادئ.
بارد.
مساء الخير يا ياسين.
اتجمدت.
مين؟
الشخص اللي حافظ على بنتك حية سنتين.
إيدي شدت على الموبايل.
لو قربت منها
ضحك.
أنت لسه فاكر إنك تقدر تهددني؟
عايز إيه؟
الحقيقة.
إيه الحقيقة؟
إن مراتك ما ماتتش زي ما أنت فاكر.
بصيت لسناء.
ناهد عايشة؟
عايشة.
سكت لحظة.
وبنتك معاها.
قلت
فين؟
هبعت لك العنوان.
وإيه المقابل؟
تيجي لوحدك.
ضحكت.
أنا مش غبي.
وأنا عارف.
وبعدين قال
عشان كده لو جبت حد معاك ليان ھتموت.
المكالمة اتقفلت.
فضلت باصص للموبايل.
أميرة كانت لسه قاعدة.
قربت مني وقالت
عمو؟
بصيت لها.
نعم؟
هو الراجل ده وحش؟
أيوه.
هزت راسها كأنها كانت متوقعة.
وبعدين قالت
هو اللي بيخلي ليان تخاف.
اتجمدت.
إنتِ قابلتي الراجل