جوزك مش مسافر شغل حكايات ليان

إيه؟
حوالي تلاتين مليون جنيه.
اتنفست بصعوبة.
تلاتين مليون؟
وده مش كل حاجة.
إيه تاني؟
في ناس كان واخد منهم فلوس بحجة الاستثمار. والفلوس اتبخرت.
حط قدامي ورقة.
لو حسام أعلن إفلاسه، الدائنين هيبدأوا يجروا وراه.
وهو عايز يحمّلني الديون.
بالظبط.
سكت شوية.
ثم سألت
ونادين؟
كريم قال
نادين كانت جزء من الخطة.
عشيقته؟
لأ.
يبقى إيه؟
كانت موظفة في الشركة.
استغربت.
موظفة؟
محاسبة.
وبعدين قال
لكنها مش شريكته في الچريمة.
بصيت له.
يعني إيه؟
نادين كانت بتحاول تجمع أدلة عليه.
طب ليه كانت معاه؟
عشان كانت خاېفة.
سكت.
وبعدين أضاف
أخوها كان شغال مع حسام واختفى من سنة.
اتسعت عيني.
اختفى؟
آه.
وحسام له علاقة؟
ده اللي بنحاول نثبته.
في اللحظة دي موبايلي اهتز.
رسالة من حسام.
إنتِ فين؟
وبعدها مباشرة
أنا عارف إنك مش في البيت.
وبعد ثواني
لو رجعتي دلوقتي، كل حاجة هتتصلح.
بصيت لكريم.
هو عايزني أرجع.
قال
مش عشانك.
عارفة.
كتبت له
أنا في البيت.
رد بسرعة
متكدبيش عليا يا سارة.
إيدي ارتعشت.
كريم قال
ما ترديش.
لكن الرسالة التالية وصلت.
لو عايزة تعرفي الحقيقة عن أبوكي، تعالي البيت.
تجمدت.
رفعت عيني لكريم.
هو قال إيه؟
قلت بصوت ضعيف
أبويا.
كريم اتغيرت ملامحه.
إنتِ والدك مټوفي؟
آه.
من إمتى؟
من ست سنين.
سكت كريم.
وبعدين قال
يبقى حسام عارف حاجة إحنا ما نعرفهاش.
وقتها حسيت إن القصة لسه في أولها.
وإن كل اللي اكتشفته الليلة دي ما كانش إلا الباب الأول.
الفصل الثاني سر أبويا
فضلت طول الليل مش عارفة أنام.
كل ما أقفل عيني أشوف صورة حسام في العربية.
إيده جنب إيد نادين.
وبعدين أسمع صوته
هي لسه مصدقة إني مسافر
شغل.
لكن أكتر حاجة كانت بتوجعني جملة واحدة
أول ما أخلص اللي ورايا، هننقل كل حاجة باسمها ونختفي.
كنت أنا المقصودة.
أنا اللي كان المفروض أتحمل كل حاجة.
أنا اللي كان عايز يسيبني في مواجهة ديونه ومشاكله.
لكن موضوع أبويا كان مختلف.
أبويا ماټ من ست سنين.
وكان حسام وقتها لسه خطيبي.
والدي كان رجل بسيط.
اشتغل طول عمره في التجارة، وعمره ما دخل في مشاكل كبيرة.
على الأقل ده اللي كنت أعرفه.
الصبح، كريم دخل عليا بكوباية قهوة.
قال
نمتي؟
لأ.
ولا أنا.
حط القهوة قدامي.
لازم نعرف ليه حسام جاب سيرة والدك.
أنا لازم أروح البيت.
لأ.
هو قال إنه يعرف حاجة.
وده اللي يخوف.
بصيت له.
لو حسام بيهددني بحاجة تخص أبويا، يبقى لازم أعرف.
سكت شوية.
وبعدين قال
هتروحي، بس مش لوحدك.
بعد ساعتين كنا واقفين قدام بيتي.
نفس البيت اللي دخلته وأنا عروسة.
نفس الشباك.
نفس البلكونة.
لكن أول مرة أحس إنه مش بيتي.
كريم وقف بعيد.
أنا مستني في العربية.
ولو حصل حاجة؟
اتصلي بيا.
دخلت.
الباب كان مفتوح.
ناديته
حسام؟
مفيش رد.
مشيت جوه.
كل حاجة كانت مترتبة بشكل غريب.
الهدوء كان مخيف.
وفجأة سمعت صوته من ورايا
رجعتي.
لفيت.
حسام كان واقف.
لابس هدوم مختلفة.
مش نفس الهدوم اللي خرج بيها.
بصيت له.
إنت كنت فين؟
مش مهم.
بالنسبالي مهم.
قرب مني.
كنت قلقان عليكي.
ضحكت بمرارة.
إنت؟
آه.
وأنا كنت فين وإنت قلقان؟
سكت.
قلت
كنت في المطعم.
ملامحه اتغيرت.
لكن بسرعة رجع طبيعي.
مين قالك تروحي هناك؟
إنت تعرف المكان؟
جاوبي.
مين الست اللي في الصور؟
حسام شد فكه.
صور إيه؟
نادين.
ثانية واحدة كانت كفاية أشوف فيها الحقيقة.
هو عرف إني عرفت.
لكن بدل ما يعترف، قرب أكتر.
إنتِ فاهمة غلط.
أنا سمعت التسجيل.
سكت.
سمعت كل حاجة.
ابتعد خطوة.
مين ادهالك؟
مش مهم.
كريم.
نطقت الاسم لأول مرة.
وشه اتغير تمامًا.
كريم؟
آه.
ضحك ضحكة باردة.
يبقى هو اللي رجع.
رجع منين؟
مش وقته.
وقته دلوقتي.
حسام مشي ناحية الصالون.
إنتِ مش عارفة كريم ده مين.
وأنت عايزني أصدقك بعد كل اللي شوفته؟
وقف.
أيوه.
ليه؟
عشان أنا جوزك.
الكلمة زمان كانت بتطمني.
دلوقتي كانت بتخوفني.
قلت
إنت كنت عايز تلبسني ديونك.
مش صحيح.
الشقة مش باسمك.
عادي.
في عقود باسمي.
إجراءات قانونية.
وفي تسجيل بتقول فيه إنك هتخليني أمضي.
سكت.
قلت
وأبويا؟
هنا لأول مرة شفت الخۏف الحقيقي في عينيه.
إنتِ عايزة تعرفي الحقيقة؟
آه.
أبوكي ما ماتش بسبب أزمة قلبية.
حسيت الډم نشف في عروقي.
إيه؟
أبوكي اتعرض لټهديد قبل مۏته.
من مين؟
من ناس كان مدين لهم بفلوس.
هززت رأسي.
لأ.
دي الحقيقة.
أبويا عمره ما كان عليه ديون.
كان.
كذاب.
حسام فتح درج.
طلع منه ملف قديم.
حطه قدامي.
اقري.
فتحت الملف.
لقيت أوراق عليها اسم أبويا.
تحويلات مالية.
عقود.
إيصالات.
وفي آخر الملف ورقة مكتوب فيها بخط إيد أبويا
لو حصل لي حاجة، سارة لازم تعرف إن حسام ملوش ذنب.
اتجمدت.
بصيت لحسام.
إيه ده؟
قال
أبوكي كان داخل