صاحبة خطيبتي بقلم زيزي

أنا اتقدمت لبنت عن طريق والدتها اللي كانت صاحبة أمي من زمان. أمي كانت دايمًا تمدح في أخلاقها وتقول إنها مؤدبة ومحترمة ومتربية أحسن تربية، وكنت كل مرة أسمع الكلام ده أقول لنفسي يمكن ربنا كاتب لي الخير على إيديها.
بعد فترة وافقت أروح أشوفها في الرؤية الشرعية، ومن أول لحظة شفتها فيها حسيت براحة غريبة. كانت هادية، كلامها موزون، وشخصيتها فيها احترام كبير. مش من النوع اللي بيحب يلفت الانتباه أو يتكلم كتير، بالعكس كانت بسيطة جدًا، وده شدني ليها أكتر.
رجعت البيت يومها وأنا حاسس إن قلبي مطمن، وبعد أيام قليلة اتفقنا واتخطبنا. في البداية كانت الأمور جميلة جدًا، نتكلم عن تجهيزات الجواز، ونخطط لمستقبلنا، وكل يوم كنت أقتنع أكتر إني اخترت الإنسانة الصح.
لكن مع الوقت بدأت ألاحظ حاجة غريبة.
كان عندها صاحبة مقربة جدًا، صاحبة عمرها تقريبًا. في الأول ما اهتمتش بالموضوع، لكن لاحظت إن البنت دي دايمًا موجودة في كل تفصيلة تخصنا. تعرف أخبارنا كلها، وتعرف مواعيدنا، وحتى تفاصيل تجهيزات الشقة.
مرة سألت خطيبتي بهزار
هي صاحبتك دي معاها نسخة من حياتنا ولا إيه؟
ضحكت وقالت
دي زي أختي، بحكيلها كل حاجة.
ما علقتش وقتها، لكن جوايا كان في إحساس إن البنت دي مش مرتاحة لخطيبتي زي ما بتبين.
بعدها بفترة بسيطة، لقيتها باعتة لي طلب صداقة على فيسبوك. قبلته عادي من باب الأدب، وبعدها بدأت تبعت رسائل متفرقة، كلها أسئلة عن الجواز والفرح والتجهيزات.
كنت برد باختصار شديد.
وفجأة في يوم، وصلتني منها رسالة غريبة جدًا.
لازم تشوف حاجة مهمة قبل ما تكمل الجوازة دي.
قلبي انقبض.
فتحت الرسالة، لقيتها باعتة مجموعة صور لخطيبتي مع شاب مجهول.
الصور كانت باينة حقيقية جدًا، لدرجة إني في أول لحظة اټصدمت.
سألتها
مين ده؟
ردت بسرعة
أنا بعمل كده لمصلحتك. في حاجات لازم تعرفها.
وبدأت تبعت كلام كتير وتحاول تخليني أشك وألغي الجوازة.
لكن كل ما كنت أقرأ رسائلها، كنت أحس إن في حاجة مش راكبة.
الصور نفسها كان فيها تفاصيل غريبة.
الإضاءة مختلفة، والزوايا مش طبيعية، وبعض الأجزاء في الصور كانت باينة كأنها متعدلة بطريقة احترافية.
ساعتها قررت ما أواجهش خطيبتي ولا أتهمها بأي حاجة.
بدل كده أخدت الصور وروحت لشخص قريب مني جدًا، شخص شغله الأساسي تحليل الصور الرقمية واكتشاف التلاعب فيها.
بعد ساعات قليلة كلمني وقال
الصور دي متفبركة بالكامل.
وقتها حسيت پصدمة أكبر من صدمة الصور نفسها.
لو الصور مزورة... يبقى ليه صاحبتها عملت كده؟
وليه مصممة تبوظ الجوازة؟
بدأت أراقب الموضوع بهدوء، وخلال أيام اكتشفت حاجة أغرب بكتير.
اكتشفت إن صاحبتها كانت بتخفي سر كبير عن الجميع، سر مرتبط بخطيبتي شخصيًا، وسر هو السبب الحقيقي وراء محاولتها المستميتة إنها تفرق بينا.
المفاجأة إن السر ده ما كانش يعرفه لا أهل خطيبتي ولا حتى أقرب الناس ليها.
ولما حددت موعد أقابل فيه صاحبتها وأسألها عن الحقيقة، دخلت المقابلة وأنا فاكر إني عرفت كل حاجة...
لكن أول جملة قالتها لي خلتني أكتشف إن الحقيقة أكبر بكتير مما كنت متخيل...دخلت أقابل صاحبة خطيبتي وأنا مجهز عشرات الأسئلة في دماغي.
كنت متأكد إن الصور متفبركة، ومتأكد إنها بتحاول توقع بيني وبين خطيبتي لسبب ما، لكن ماكنتش عارف السبب الحقيقي.
أول ما قعدت قدامي، لاحظت إنها مش واثقة من نفسها زي كل مرة.
كانت متوترة بشكل واضح.
حطيت الموبايل قدامها وفتحت الصور.
وقلت بهدوء
الصور دي متفبركة.
سكتت.
بصيت في عينيها منتظر أي رد.
لكن الغريب إنها ما أنكرتش.
ولا حتى حاولت تدافع عن نفسها.
فضلت ساكتة كام ثانية، وبعدها قالت
أنا كنت عارفة إنك هتكتشف.
الجملة دي خلتني أتجمد مكاني.
لأن الشخص اللي بېكذب عادة بيحاول