حماتي كانت كل يوم تبوظلي حاجة

وهو بينهج، رمى الشنطة على الأرض ومسح العرق من على جبهته المأمورية اتلغت يا ندى.. وصلنا طنطا والشركة بلغت المعاينات اتأجلت للأسبوع الجاي. رجعت مع السواق فوراً قلت أرجع أريح في بيتي بدل الپهدلة، وكمان عشان ألحق أكون معاكي ومع ماما.
في اللحظة دي، حماتي خرجت من أوضتها زي الأشباح. وشها كان أصفر زي الليمونة، وعينيها بتتنقل بيني وبين أحمد پصدمة وړعب حقيقي. هي كانت عارفة إن لو أحمد دخل الأوضة دي قبل ما نعمل اتفاق البنك.. العلبة دي لو اتكشفت هتبقى نهايتها! أحمد?! يا حبيبي.. ح.. حمد الله على السلامة يا ابني! قالتها وهي بتتأتأ ورجليها بتخبط في بعض. أحمد بص لأمه باستغراب، وبعدين بصلي إيه يا جماعة؟ مالكم مبوزين ومبهوقين كدة كأنكم شفتوا عفريت؟ وبعدين إيه كراكيب المطبخ والصالة دي كلها؟ إنتوا بتنقلوا ولا إيه؟
قربت من أحمد بثبات، وحطيت إيدي على كتفه، وبصيت لحماتي بطرف عيني.. نظرة واحدة كانت كفيلة تفهمها إن مستقبلها وعلاقتها بابنها واقفة على شعرة.. وعلى الحركة اللي هتعملها دلوقتي. قلت بابتسامة هادية جداً أبداً يا حبيبي.. أصل ماما كانت بتفكر في حاجة مهمة أوي، وكانت لسه بتستشيرني فيها قبل ما إنت تدخل. أحمد بص لأمه باهتمام خير يا ماما؟ حاجة إيه؟ إنتِ تعبانة ولا حاجة؟
حماتي بلعت ريقها بالعافية، وعينيها جابت مية.. كانت محصورة في أضيق زاوية في حياتها. لو أنكرت، أنا هطلع العلبة والجوابات قدام أحمد في ثانية. ولو وافقت، هتضطر تتنازل عن كل حاجة كانت مخبياها السنين دي كلها. ربعت إيدها ورفعت راسها بصعوبة، وقالت بصوت مكسور لا يا ابني.. أنا بخير. أنا بس.. كنت بنظف الأوضة وبدور في كراكيب أباك الله يرحمه.. ولقيت.. لقيت حاجة تخصك. أحمد حواجبه اتقفلت باستغراب حاجة إيه دي يا ماما؟ حماتي بصتلي بكسرة وندم، وبعدين ردت على أحمد وهي بتداري دموعها أبوك.. الله يرحمه، كان شايلك قرشين زمان مع عمك.. قرشين ورث من بيت العيلة. عمك بعتهم من فترة طويلة على هيئة وديعة باسمك في البنك، وأنا.. أنا كنت مخبية عليك الموضوع ده.
أحمد تنّح، وعينيه اتوسعت بذهول مش طبيعي وديعة؟ باسمي أنا؟ من عمي?! إزاي يعني يا ماما؟ إنتِ مش قلتِلي إن عمي أكل حقنا وسافر ومسألش فينا من يوم ۏفاة أبا?! هنا حماتي نزلت راسها في الأرض وبدأت ټعيط بجد.. دموع خلطة بين الخۏف والذنب والفضايح. وقالت بصوت واطي أنا كنت خاېفة يا أحمد! كنت خاېفة تاخد الفلوس دي وإنت صغير وتجري وتسيبني.. كنت فاكرة إن الفلوس دي هي اللي هتبعدك عني وتخليك تستغنى عن أمك! أنا عشت عمرها كله أخدمك وأربيك، وشفت الوحدة بټموتني بعد أبوه.. فخفت! بس ندى.. ندى لما لقيت الأوراق معايا النهاردة، فتحت عيني وعرفتني إن اللي بعمله ده غلط وأناني، وإن الحق لازم يرجع لأصحابه.
أحمد كان واقف في نص الصالة كأنه مقتول پصدمة عمره. بص لأمه ومش مصدق، وبعدين بصلي أنا. كان في عينيه ألف سؤال وسؤال إزاي أمه تعمل فيه كدة؟ إزاي تخبيه عن الحق ده كله وتسيبه يطحن في الشغل شغلانتين ويحسب القرش بالمليم عشان إيجار الشقة؟ إزاي تخليه يكره عمه ويزعل منه السنين دي كلها؟! أحمد قرب من أمه بصوت مليان ۏجع ليه يا ماما؟ ليه تعملي معايا كدة؟ أنا عمر قصرت معاكي؟ أنا كنت باكل اللقمة ناشفة عشان أرضيكي! تسبيني ألف حوالين نفسي وأقول مش
عارف أعمل بيت ولا