بعد ماصرفت على اهل جوزي

بعد ما صرفت على جوزي وأهله أكتر من ٣ سنين، حماتي قفلت عليّ باب الأوضة بالسلسلة، ورشت بنزين تحت الباب، وقالت وهي بتولّع عود كبريت إنتِ خدمتينا وإنتِ عايشة ودلوقتي هتخدمينا وإنتِ مېتة. لكنها ما كانتش تعرف إن مكالمة واحدة على ١٢٢، وكاميرا صغيرة مستخبية، هيخلوا الليلة دي آخر ليلة حرية في حياتهم
نامي يا نيرمين بكرة الصبح هيبقى تمن جثتك أربعين مليون جنيه.
وصلني صوت حماتي سامية من ورا باب أوضة النوم
وفي نفس اللحظة سمعت صوت السلسلة الحديد وهي بتتقفل من برّه.
اتجمد الډم في عروقي.
ريحة البنزين بدأت تخنقني قبل حتى ما أشوفه.
بصيت حواليّا
الأرض.
الستاير.
الباب.
كل حاجة كانت متغرقة بنزين.
الساعة كانت اتنين وربع بعد نص الليل.
لكن سامية ما كانتش تعرف إنّي ما كنتش واقفة جوه الأوضة
كنت واقفة في بلكونة الخدمة، ورا باب زجاج مصفح، وماسكة موبايلي بإيدي، فاتحة تسجيل، وكمان على الخط مع النجدة.
قلت لها بصوت ثابت رغم إن قلبي كان هيقف
بجد يا طنط هتحرقيني عشان ديون ابنك؟
ضحكت
الضحكة دي عمري ما هنساها.
ضحكة واحدة كانت كفاية تعرفني إن الست دي عمرها ما شافتني بني آدمة.
قالت بمنتهى البرود
كريم خسر عشرين مليون جنيه في القماړ وتأمين حياتك بأربعين مليون. هنسدد ديونه، والباقي نعيش بيه ملوك. وإنتِ أصلًا مالكيش أهل ولا حد هيسأل عليكي.
غمضت عيني
مش من الخۏف
لكن عشان أتأكد إن التسجيل جاب كل كلمة.
وفجأة
وسط صوت البنزين
طلع صوت صړيخ هستيري من جوه الأوضة.
يا ماااما افتحي أنا دينا!
ساد صمت مرعب.
حتى سامية نفسها اتخرست.
لأن الصوت
ماكانش صوتي.
من تلات سنين
كنت فاكرة إن ربنا أخيرًا قرر يعوضني.
أنا نيرمين.
بنت ملهاش أب ولا أم.
كبرت في دار أيتام، وماكنش عندي غير حلم واحد
أثبت لنفسي إن الفقر واليُتم مش نهاية الدنيا.
اشتغلت في كوافير وأنا عندي ١٨ سنة.
الصبح شغل
وبالليل دراسة.
كل بقشيش كنت باخده كنت بحوشه.
لحد ما فتحت أول مركز تجميل.
وبعده التاني.
وبعده التالت.
وبقيت اسمي معروف وسط أكبر سيدات الأعمال والفنانات.
كان معايا فلوس
وشهرة
واحترام.
لكن كان ناقصني إحساس واحد
العيلة.
ولما قابلت كريم
افتكرت إني أخيرًا لقيتها.
كان بيتكلم بهدوء
بيهتم بأصغر تفصيلة
ولما مرضت أول مرة بعد خطوبتنا، فضل قاعد جنبي لحد الصبح.
وأمه سامية؟
حضنتني أول يوم وقالت
من النهارده إنتِ بنتي والبيت ده بيتك ومحدش هيخليكي تحسي بالوحدة تاني.
يا ريتني كنت فهمت وقتها
إن في ناس الحضن عندها بيبقى أول خطوة قبل الغدر.
بعد الجواز
اشتريت فيلا فخمة في التجمع.
وكريم طلب مني إن أمه وأخته دينا يعيشوا معانا كام شهر لحد ما يظبطوا ظروفهم.
وافقت
من غير تفكير.
الشهور بقت سنين.
وأنا اللي بدفع كل حاجة.
العربية
المصاريف
السفر
الكريديت كارد
حتى هدومهم ومجوهراتهم.
كريم ساب شغله بحجة إنه هيفتح شركة استثمار.
لكن عمره ما كان بيروحها.
كان بيصحى الضهر
وينزل يقعد في الكافيهات
ويرجع يطلب مني تحويل جديد.
أما سامية
فكانت بتعمل عزومات كل أسبوع في الفيلا
وتعرف الناس على البيت كأنه بيتها هي.
ودينا؟
كانت تدخل أوضة هدومي من غير استئذان
تلبس فساتيني
وتاخد شنطي
وترجعها مبهدلة.
ولو اتكلمت
يبصوا لبعض ويضحكوا.
دي بنت الملجأ نسيت أصلها بعد ما الفلوس لعبت معاها.
وكل مرة أشتكي لكريم
كان يمسك إيدي ويقول
حقك عليّا هكلمهم.
لكن تاني يوم
كان يطلب مني ملايين جديدة عشان مشروع مهم.
وأنا
كنت بشتغل ١٢ ساعة كل يوم
وهم بيصرفوا تعبي في مطاعم وسفر وسهر.
لحد ما في يوم
باب العيادة اتفتح
ودخل أكتر من عشر رجال دفعة واحدة
وقال واحد منهم بصوت هز المكان كله
فين كريم؟!
قوليله العشرين مليون اللي علينا يا يدفعهم النهارده
يا يستعد يشوف چحيم عمره ما شافه!
الجزء الثاني
ساعتها
الدنيا كلها سكت حواليّا.
الممرضات بصوا لبعض پخوف
والعملاء اللي كانوا مستنيين دورهم خرجوا من العيادات وهم مرعوبين.
أما أنا
فكنت واقفة مش قادرة أستوعب.
بصيت للراجل وقلت
حضرتك أكيد غلطان كريم عمره ما قال لي إنه مديون.
ضحك بسخرية، ورمى