بنتي طلبت ابيع الدهب بقلم بسمه

اللي محمود حب الكل يصدقه.
سارة قربت من الموبايل.
حضرتك تعرفي جوزي؟
قالت
أعرفه أكتر مما تتخيلي... وأنا مش أول ضحېة، ولا إنتِ آخر واحدة.
المحامي سألها
إنتِ فين؟
قالت
مش هينفع أقول دلوقتي... لأن في حد بيراقبكم.
في اللحظة دي، سمعنا صوت خبطة جامدة في المكالمة.
وبعدين صوت راجل بيزعق
اقفلي التليفون!
والمكالمة اتقطعت.
حاولنا نكلم الرقم تاني.
لقيته مقفول.
المحامي قال بحزم
لازم نتحرك قبل ما يسبقنا.
دخلنا البنك بسرعة.
قدمنا رقم الخزنة المكتوب في الورقة.
الموظف بص على الشاشة، واتغير وشه.
قال
حضرتكم أصحاب الخزنة؟
المحامي قال
معانا المفتاح.
الموظف هز رأسه.
المفتاح لوحده مش كفاية... لازم الشخص المسجل باسمه الخزنة.
قلبي وقع.
قلت
واسمه مين؟
الموظف بص في البيانات، وسكت ثواني.
وبعدين قال
الغريب... إن الخزنة مش باسم محمود.
ولا باسم سارة.
ولا باسم أي واحدة من الأسماء اللي في الملفات.
سألته بلهفة
أمال باسم مين؟
لف الشاشة ناحيتنا.
وأول ما قرينا الاسم...
سارة شهقت.
كان الاسم
بسمة عبد الرحيم.
نفس الاسم اللي كان متكرر في آخر ورقة داخل الكرتونة، ومحدش كان عارف مين صاحبته.
وقبل ما نسأل الموظف أي سؤال...
دخلت ست لابسة نضارة شمس كبيرة وإيشارب مغطي نص وشها.
وقفت بعيد تبص علينا.
وبعدين قلعت النضارة ببطء.
المحامي رجع خطوة لورا وهو مصډوم.
وقال بصوت مخڼوق
مستحيل...
رفعت الست عينيها ناحيتنا وقالت
أنا بسمة... ولو كنتوا اتأخرتوا خمس دقايق كمان، كان كل اللي بتدوروا عليه اتحرق للأبد الهدوء اللي نطقت بيه الست كان أخوف من أي صړيخ.
بصتلنا واحد واحد، وبعدين قالت
امشوا ورايا... ومحدش ينطق ولا كلمة.
خرجت من البنك من باب جانبي.
إحنا بصينا لبعض، وبعد تردد مشينا وراها.
دخلت كافيه صغير في شارع جانبي، واختارت ترابيزة آخر المكان.
أول ما قعدت، طلعت من شنطتها ملف قديم، وربطته بإستيك باهت.
حطته قدامي.
وقالت
قبل ما تفتحيه... جاوبيني.
بصتلها باستغراب.
قالت
محمود اتعرف على بنتك إزاي؟
سارة ردت بسرعة
بالصدفة... في معرض أثاث.
بسمة ابتسمت ابتسامة حزينة.
وقالت
ولا كانت صدفة... ولا معرض.
فتحت الملف.
لقيت أول ورقة عبارة عن كشف مطبوع.
فيه صور وأسماء وتواريخ.
قدام اسم كل ست ملاحظات.
وحيدة.
ورثت دهب من أمها.
علاقتها بأهلها ضعيفة.
معاها شقة باسمها.
إيدي بدأت ترتعش.
قلبت الصفحة التانية.
لقيت اسم بنتي.
وتحته مكتوب
المرحلة الرابعة... جاهزة للتنفيذ.
صړخت سارة
يعني إيه المرحلة الرابعة؟!
بسمة غمضت عينيها وقالت
كل ضحېة كانت بتمر بأربع مراحل.
التعارف.
الثقة.
الحصول على الفلوس أو الممتلكات.
وبعدين...
سكتت.
قلت بعصبية
وبعدين إيه؟!
ردت بصوت مكسور
الاختفاء من حياته... وكأنها عمرها ما عرفته.
سارة بصت لها پخوف.
يعني طلاق؟
بسمة هزت رأسها.
يا ريت.
طلعت صورة من الملف.
كانت لست واقفة قدام محل دهب، بتضحك.
وقالت
دي ريم... باعت دهبها.
وطلعت صورة تانية.
ودي هناء... باعت شقتها.
وبعدين صورة تالتة.
ودي نجلاء... اللي الكل فاكر إنها ماټت.
سألتها بسرعة
هي فين دلوقتي؟
قالت
عايشة... لكن مستخبية من سنتين، لأن محمود مش بيسيب أي حد يعرف أسراره.
في اللحظة دي، المحامي فتح آخر جيب في الملف.
طلع منه فلاشة تانية.
لكن الغريب...
إن عليها استيكر صغير مكتوب عليه
لا تعملها إلا بحضور الشرطة.
المحامي رفع عينه ناحية بسمة.
إيه اللي عليها؟
ردت
كل حاجة.
أسماء.
تحويلات.
تسجيلات.
وصور.
لكن أخطر حاجة...
إن فيها تسجيل صوتي لمحمود، وهو بيعترف بحاجة واحدة لو خرجت للنور... هتوقع ناس أكبر منه بكتير.
وقبل ما حد يسألها مين الناس دي...
سمعنا صوت فرامل عربية وقفت پعنف قدام الكافيه.
بصينا من الإزاز.
لقينا أربع رجالة نازلين بسرعة.
كلهم لابسين بدلات سودا.
وأول واحد فيهم رفع صورة في إيده، ووراها للعامل في الكافيه، وهو بيسأله
فين الست اللي اسمها بسمة؟بسمة أول ما شافتهم، وشها فقد لونه.
همست
هما وصلوا...
المحامي قام بسرعة.
من الباب الخلفي... يلا.
لكن بسمة هزت رأسها.
لأ... لو خرجنا دلوقتي هيشوفونا.
العامل جه يجري ناحيتنا وهو متوتر.
وقال بصوت واطي
الرجالة بيسألوا عليكم بالاسم... وبيقولوا إن معاهم إذن تفتيش.
المحامي رد بسرعة
إذن تفتيش إيه؟ إحنا معملناش حاجة!
بسمة مسكت الملف والفلاشتين، ودفعتهم في شنطة سارة.
وقالت
من دلوقتي... أي حاجة معايا بقت معاكي.
سارة اتفاجئت.
ليه؟
ردت وهي بتبص ناحية الباب
لأنهم جايين عشاني أنا... مش عشانكم.
في اللحظة دي، الباب اتفتح.
دخل أول راجل.
كان طويل، لابس بدلة كحلي، ووشه هادي بشكل غريب.
بص علينا، وابتسم.
وقال
واضح إننا لقينا بعض أخيرًا.
المحامي وقف قدامه.
حضرتك مين؟
الراجل طلع بطاقة من جيبه، ورفعها بسرعة من غير ما يدينا فرصة نبص فيها كويس.
وقال
جاي آخد الملف... ومش عايز مشاكل.
بسمة ردت بثبات
الملف مبقاش معايا.
الراجل ضحك.
عارف... مع البنت.
كل الأنظار راحت لسارة.
حست بالخۏف، ومسكت الشنطة جامد.
الراجل قرب خطوة.
وقال
هاتي الشنطة... وهتمشوا كلكم في هدوء.
قبل ما حد يتحرك...
سمعنا صوت صفارات عربيات برا.
الراجل لف بسرعة ناحية الإزاز.
وفي اللحظة دي، بسمة همست لسارة
اهربي.
مسكت إيد بنتي وجريت بيها ناحية باب المطبخ.
خرجنا من ممر ضيق بيوصل لشارع جانبي.
كنا لسه هنركب أول تاكسي وقف قدامنا...
لكن عربية سودا قطعت علينا الطريق.
نزل منها محمود بنفسه.
كان بيبتسم.
ولا كأنه في أي أزمة.
بص لسارة وقال
تعبتي نفسك على الفاضي.
رفعت صوتها
إنت نصاب!
قال بهدوء
ممكن.
إنت سړقت دهبي ودهب غيري!
ابتسم أكتر.
ممكن برضه.
وبعت البيت!
رد من غير ما يهتز
وده أقل حاجة عملتها.
كنت هاجري عليه، لكن فجأة قال جملة خلتنا كلنا نتجمد مكاننا
قبل ما تفتحوا الفلاشة... اسألوا بسمة هي كانت شغالة معايا ليه خمس سنين؟
لفينا نبص على بسمة.
كانت واقفة مكانها...
ملامحها اتغيرت تمامًا.
ونزلت دمعة من عينها.
وقالت بصوت مكسور
للأسف... في الحاجة دي... محمود بيقول الحقيقة اتجمدنا كلنا.
سارة بصت لبسمة وكأنها مش مصدقة اللي سمعته.
صړخت فيها
يعني إيه كنتِ شغالة معاه؟!
بسمة نزلت رأسها.
أنا غلطت... وغلطتي عمرها ما هتتغفر.
محمود ضحك وهو ساند على العربية.
وقال
احكيلهم... احكيلهم مين اللي كانت بتختار الضحېة الأولى.
بسمة غمضت عينيها.
في الأول... كنت فاكرة إنه مجرد سمسار بيساعد ستات يبيعوا دهبهم وقت الأزمات، وياخد عمولة.
بصتلنا وهي بټعيط.
مكنتش أعرف إنه بيخطط يتجوزهم أو ينصب عليهم.
المحامي صړخ فيها
وده اكتشفتيه إمتى؟
قالت
بعد أول جوازة... لما واحدة حاولت تسترد فلوسها واختفت فجأة.
سارة رجعت لورا خطوة.
يعني... إنتِ اللي وصلتيه ليا؟
بسمة اڼفجرت في البكاء.
أيوه... لكن لما عرفت الحقيقة حاولت أهرب، ومن يومها وهو بيطاردني.
محمود صفق بإيده وهو بيضحك.
برافو... أخيرًا بقينا صرحاء.
أنا بصيت له پغضب.
إنت إنسان مريض.
رد بهدوء غريب
لا... أنا تاجر شاطر.
ثم أشار إلى الشنطة اللي مع سارة.
هاتوا الفلاشتين... وكل واحد يروح لحاله.
المحامي قرب مني وهمس
إوعوا تدوله حاجة.
في نفس اللحظة...
رن موبايل محمود.
بص في الشاشة، واتغيرت ملامحه لأول مرة.
رد بسرعة.
فضل ساكت وهو بيسمع.
بعدها قال بعصبية
إزاي؟! مين سمحله؟
وقفل الخط.
إحنا كلنا لاحظنا ارتباكه.
بسمة ابتسمت لأول مرة.
وقالت
واضح إن في حد سبقنا.
محمود لف ناحيتها بعصبية.
إنتِ عملتي إيه؟
قالت
ولا حاجة... أنا بس كنت محتفظة بنسخة احتياطية.
وش محمود اصفر.
جري ناحية عربيته وهو بيطلع المفتاح.
وقبل ما يركب...
وقف فجأة.
بص ناحية آخر الشارع.
كان في عربية نقل صغيرة واقفة.
نزل منها شاب في أواخر العشرينات.
شايل صندوق حديدي صغير.
أول ما شاف بسمة، رفع الصندوق وقال
لقيته... زي ما طلبتي.
بسمة همست
الحمد لله.
سألتها
إيه اللي في الصندوق؟
ردت وهي بتبص لمحمود مباشرة
الحاجة الوحيدة اللي كان مستحيل يسيبها في الفلاشة.
محمود فقد هدوءه تمامًا.
وجري بأقصى سرعة ناحية الشاب وهو پيصرخ
إوعى تفتح الصندوق!
لكن الشاب كان أسرع.
فتح القفل...
ورفع أول ملف من جواه.
وأول ورقة ظهرت كانت شهادة ميلاد لطفل صغير.
في خانة الأب مكتوب
محمود...
لكن اسم الأم...
ماكانش اسم سارة.
ولا اسم أي واحدة من الستات اللي شوفنا ملفاتهم قبل كده محمود جرى ناحية الشاب پجنون.
خطڤ الورقة من إيده قبل ما حد يقراها كاملة.
لكن الشاب كان لحق يصورها بالموبايل.
بسمة قالت بهدوء
اتأخرت يا محمود... خلاص.
محمود قطع الورقة نصين، وبعدين أربعة.
وهو بيزعق
ولا حد هيعرف حاجة!
المحامي رد عليه
ټمزيق الورق مش هيمسح الحقيقة.
الشاب فتح الصندوق مرة تانية.
طلع ملف أكبر.
قال
الورقة دي كانت فوق بس... الصندوق كله مليان.
بدأنا نبص جواه.
كان فيه عشرات الملفات، وكل ملف عليه تاريخ.
وأسماء مدن مختلفة.
القاهرة.
المنصورة.
طنطا.
الإسكندرية.
الزقازيق.
وكل ملف مكتوب عليه اسم ست.
بسمة قالت
كل مدينة كان ليها ضحېة أو