الغوا حفل عيد ميلادي حكايات صافي هاني

صوت برييل صړخ من فوق، وسمعنا كعب أمي وجري الرجالة وهم بيتحركوا بسرعة چنونية ناحية الصوت والضوء اللي في آخر الممر.
يلا.. دلوقتي! الراجل شدني من إيدي وطلعنا بنجري في عكس الاتجاه، طلعنا السلم المكسور اللي هما نزلوا منه، والهوا البارد لطش وشي أول ما بقينا برة المدافن. الدنيا كانت لسه كحل، بس لمحت على بعد مېت متر عربية تانية خالص، لونها أسود ومطفية كشافاتها.
اركبي بسرعة! فتحلي الباب الوراني وركبت، ونط هو ورا الدريكسيون ودور العربية وطلع بأقصى سرعة من غير ما ينور النور عشان ما حدش يلمحنا.
أول ما حسيت إننا بعدنا عن المحطة والمدافن، وبقينا على الطريق السريع، سِندت راسي على الشباك وأنا بجيب نفسي بصعوبة. بصيت للراجل في المراية وقولتله بصوت مبحوح أنا هربت من المۏت.. بس أنا دلوقتي مش معايا أي حاجة، ولا عارفة أنا مين، ولا رايحة فين.. أنت مين؟ وليه بتساعدني؟
الراجل بصلي في المراية، ملامحه كانت حادة وعيونه تعبانة، وقال بنبرة هادية بس هزت كياني
أنا اسمي سليم يا مارا.. وأنا مش بساعدك لله وللوطن.. أنا كنت شغال مع عيلتك من سنتين، ولما عرفت اللعبة ورفضت أكمل، لبسوني قضية اختلاس ودمروا حياتي.. أنا محتاج بصمتك دي عشان أثبت برائتي، زي ما أنتِ محتاجاها عشان تنقذي رقبتك من السچن.. إحنا الاتنين مصلحتنا واحدة.
وفجأة.. تابلت صغير كان محطوط جمبه على التابلوه نَور، وظهرت عليه شاشة بتعد تنازلي.. 0459.. 0458.. وتحتها رسالة باللون الأحمر تم بدء تفعيل الحساب البنكي عبر التعرف الذكي.. متبقي خمس دقائق على تحويل الملايين وبدء الملاحقة القانونية للمالك مارا
السيستم كان بيفتح لوحده من غير ما ېلمسوني! وبصمة وشي وصوتي اللي سجلوملي في البيت وأنا مش دارية كانت بتترفع على السيستم دلوقتي حالا!
العداد كان بيتحرك بسرعة مرعبة.. 0430.. 0429.. والأرقام الحمراء بتنور وتطفي في صالون العربية الضلمة وزي ما تكون بتعد ثواني عمري اللي فاضلة برة السچن.
سليم ضړب الدريكسيون بإيده وزعق بعصبية ولاد الكلب! مش محتاجينك تبقي واقفة قدامهم.. هما سجلوا وشك وصوتك الصبح وأنتِ نايمة أو قاعدة معاهم، ورفعوا الداتا على السيرفر، والسيستم دلوقتي بيطابق البيانات عشان يقفل التحويل باسمك!
دماغي كانت بتلف.. افتكرت الصبح لما أمي دخلت عليا الأوضة وبستني من خدي وقعدت تتكلم معايا وتخليني أرد عليها وهي ماسكة موبايلها وبتقولي بصور لقطة ليكي للذكرى في عيد ميلادك.. ما كانش فيديو للذكرى، ده كان مسح لبصمة وشي ونبرة صوتي!
مسكت التابلت بإيد بتترعش وقلت لسليم بصوت عالي من الخۏف يعني إيه؟! مفيش طريقة نوقف الزفت ده؟ أنا مش هروح السچن في حاجة ماليش ذنب فيها!
سليم فرمَل العربية فجأة على جنب الطريق السريع، وسحب التابلت من إيدي وبدأ يكتب عليه بسرعة چنونية وهو بيلعنهم. قال وهو عينه مش بتفارق الشاشة السيستم ده مشفر، عشان نوقفه لازم نعمل حاجة من اتنين.. يا إما ندخل على السيرفر الرئيسي من لابتوب متوصل بالشبكة المحلية بتاعتهم في البيت، يا إما نرفع وثيقة رسمية تثبت إن الحساب ده تم تزويره واستغلال اسمك فيه قبل ما التنازل القانوني يتفعل بالكامل.
بصيت له وقلت له اللابتوب بتاعي معايا في الشنطة! وشهادة الميلاد الحقيقية اللي أنت وريتهالي لبريل.. لو رفعناها؟!
سليم بصلي وعيونه لمعت شهادة ميلاد بريل تثبت إن عيلتك مزورة دفاتر رسمية من 18 سنة، وده يضرب مصداقية أي عقد هما ماضيينه باسمك.. طلعي اللاب توب حالا!
فتحت الشنطة بسرعة، وسحبت اللابتوب وفتحته، وسليم وصله بوصلة سريعة