رواية كامله

الشغل لقيت فهد قاعد في الضلمة في الصالة. كان شكله مرهق، خاسس، وعينيه كلها ندم.
أول ما شافني، قام وقف وقال بصوت مكسور
أميرة.. أنا استويت. أنا مابقاش معايا ولا قرش في حسابي. أنا آسف.. أنا كنت غبي وأعمى وماقدرتش اللي كنتي بتعمليه. أرجوكي، خلينا نلغي الاتفاق ده ونرجع زي زمان. أنا هشارك في كل حاجة، بس نرجع بيت واحد تاني.
بصيتله بهدوء تام. ملامحي ماكانش فيها أي ذرة تعاطف. ابتسمت ابتسامة خفيفة وفتحت شنطتي.
للأسف يا فهد.. إنت اتأخرت أوي.
طلعت ظرف ورق بني مقفول وحطيته في إيده.
زمان ده خلص خلاص. وبما إننا بقينا بنتعامل بالورقة والقلم وكل واحد مسؤول عن نفسه.. افتح الظرف ده عشان تعرف إحنا موقفنا إيه بالظبط من بكرة الصبح.
فهد فتح الظرف وإيده بتترعش. طلّع الورقتين اللي جواه. عينيه جريت على السطور، وفجأة وشه بهت تماماً، شفايفه نشفت، والورقة وقعت من إيده على الأرض كأنها حتة جمرة حړقت صوابعه.
بصلي بړعب وقال بصوت مخڼوق
إنتي... إنتي عملتي إيه؟ إزاي ده حصل من غير ما أعرف؟ إنتي أكيد بتهزري صح؟!
رديت عليه وأنا بديّه ضهري ورايحة على أوضتي
أنا دايماً باخد طلباتك بجدية يا فهد.. اقرأ الورقة كويس، عشان قدامك 48 ساعة بالظبط وتنفذ اللي فيها.
لو عاوز الباقي شوف الجزء الاخير 
فهد فضل باصص للورقة اللي وقعت على الأرض وعينيه مفتوحة على آخرها. أنفاسه بقت سريعة، ووشه اللي كان شاحب من الإرهاق اتحول للون أحمر من صدمة اللي قراه.
نزل على ركبه، شال الورقة بإيد بتترعش، وبصلي بصوت كله كسرة
طلاق؟ إنتي بتقدميلي اتفاق طلاق ودي يا أميرة؟ عشان شوية فلوس ومصاريف بيت؟ إنتي بتهدي بيتنا عشان الفلوس؟
قعدت على الكرسي اللي قدامه، حطيت رجل على رجل، وبصيت في عينيه بنظرة أبرد من التلج
لا يا فهد.. أنا مش بطلب الطلاق عشان الفلوس. أنا بطلبه عشان قلة القيمة. الفلوس دي كانت مجرد كشاف نور فضحلي حقيقتي في عينيك وعينين عيلتك.
حاول يقاطعني وهو بيمد إيده يمسك إيدي، بس أنا سحبتها وكملت
أنا لما كنت بشيل البيت وبصرف 150 ألف جنيه على عزومات أهلك، ماكنتش غبية ولا كنت مش عارفة أودي فلوسي فين. أنا كنت بشتري راحتنا، بشتري لمتنا، كنت بطبق كلمة المودة والرحمة اللي ربنا قال عليها. كنت بشوفك مضغوط في شغلك فبقول أشيل عنك.. لكن إنت شفت ده إزاي؟ شفته حق مكتسب. شفته غباء مني. وفي أول فرصة، سمعت كلام واحد صاحبك مريض وعيلة طماعة، وقررت إنك تعبت من الصرف عليا!
صدمة الحقيقة
فهد نزل وشه في الأرض، والدموع بدأت تنزل من عينيه.
يا أميرة أنا كنت أعمى.. والله العظيم كنت أعمى ومسحوب ورا كلام ماجد أمي. أنا عرفت قيمتك.. الشهر اللي فات ده رباني. أنا مش هقدر أعيش من غيرك، ولا هقدر أشيل البيت ده طولي.
بالظبط يا فهد.. قاطعته بصوت حاسم. إنت زعلان عشان مش هتقدر تشيل البيت طولك، مش عشان خسرتني كزوجة وحبيبة. إنت خسړت البنك المجاني والشغالة اللي مابتاخدش أجازة. إنت ماحستش بقيمتي غير لما اتوجعت في جيبك، ولما تلاجتك فضيت، ولما هدومك اتكرمشت.
وقفت وبديت ألم حاجتي اللي كنت مجهزاها في شنطتين كبار جنب الباب، وقولتله
الورقة دي اتفاق طلاق ودي، بتتنازل فيه عن أي شروط جزائية بينا وبنتطلق بهدوء. قدامك 48 ساعة تمضيها وننزل للمأذون. ولو كابرت وممضيتش.. الورقة التانية اللي في الظرف دي نسخة من دعوى خلع المحامي