رواية كامله

مصاريفه. وأنا شيلتي وميزانيتي مابقاش فيها ميزانية مفتوحة لعزومات كل يوم جمعة. فهد موجود أهو.. خليه يطلب لكم أحلى غدا.
عزومة على حساب الباشا
فهد وشه جاب ألوان. عشان ينقذ الموقف قدام أمه وأخوه، طلّع موبايله بسرعة وفتح أبلكيشن طلب الأكل. طبعاً عشان يطلب غدا يكفي 6 أشخاص مشويات، مقبلات، رز، وحلويات زي اللي كنت بعملها، الفاتورة عدت ال 3500 جنيه.
شفت عضلات وشه وهي بتتشد وهو بيدوس تأكيد الدفع. دي كانت أول مرة من سنين يدفع فيها تمن وجبة عائلية كاملة من جيبه الخاص.
قعدوا في الصالة مستنيين الأكل في صمت قاټل. سعد أخو فهد كان بيبص في الأرض محرج، ونورة مراته كانت بتسكت العيال اللي عمالين يزنوا من الجوع. حماتي كانت بتبصلي بنظرات لو كانت بتطلع ڼار كانت حرقتني، بس أنا كنت مندمجة جداً مع المسلسل.
لما الأكل وصل، أكلوا بسرعة ومن غير نفس. مفيش تعليقات عن الملح، ولا عن تسوية اللحمة. ولما خلصوا، حماتي لمّت العلب البلاستيك الفاضية بتاعتها وهي بتبرطم بكلام مش مفهوم، وكانت مستعدة تمشي.
بس أنا كان عندي لسه مشهد أخير.
الحساب يجمع
استني يا طنط، قبل ما تمشوا في حاجة صغيرة لازم تشوفوها.
قمت فتحت اللاب توب بتاعي، وجبته حطيته على الترابيزة قدامهم كلهم. فتحت شيت الإكسيل إياه.
بما إننا فتحنا باب الحسابات والمصاريف اللي فهد كان شايف إنها تقيلة عليه، أنا حبيت أوضح لكم الصورة كاملة.
لفيت الشاشة ناحيتهم وكملت
في السنة اللي فاتت بس، عزومات يوم الجمعة دي كلفتني 150 ألف جنيه. ده غير 15 ألف جنيه هدايا للولاد، و آلاف جنيه أدوية لحضرتك يا طنط فهد كان بياخدهم مني عشان ظروفه متلخبطة، ده غير فواتير البيت الأساسية اللي أنا كنت شايلاها بالكامل عشان فهد يقدر يوفر ويجيب البلايستيشن، ويخرج مع صحابه، ويبعتلك مصروفك الشهري.
سعد فتح بقه من الصدمة، وبص لأخوه اللي كان باصص في الأرض ومابينطقش.
150 ألف جنيه إيه يا أميرة؟ إنتي بتعدي علينا اللقمة؟ حماتي قالتها بصوت مهزوز وهي بتحاول تداري إحراجها.
أنا عمري ما عديت حاجة كنت بعملها بحب. بس لما ابنك يقرر إنه تعب من الصرف عليا، كان لازم أوريه هو كان بيصرف على مين بالظبط. شرفتونا يا جماعة.
عيلة فهد مشيت اليوم ده، ومن يومها رجلهم ماعتبتش البيت.
شهر من الچحيم
الأسابيع اللي بعد كده كانت بالنسبة لفهد عبارة عن سلسلة من الصدمات اليومية
الغسيل يوم التلات الصبح، فهد كان بيدور على قميصه اللبني المكوي. سألني عليه، فرديت مسحوق الغسيل والمكوة مصاريف مشتركة، إنت مادفعتش نصيبك الشهر ده، فأنا غسلت هدومي أنا بس. اضطر ينزل شغله بقميص مكرمش.
الإنترنت في ويك إند، كان قاعد عايز يتفرج على فيلم. فجأة الشاشة فصلت. سألني فين باسورد النتفليكس؟ قولتله غيرته.. ده اشتراكي، اعمل أكونت لنفسك واربطه بفيزتك.
المنظفات والأساسيات اكتشف إن ورق التواليت، صابون المواعين، ومعجون السنان مش بتنبت شيطاني في الحمام والمطبخ، وإنه لازم ينزل السوبر ماركت يشتري حاجته بنفسه، وبفلوسه.
فواتير البيت لما جات فاتورة الكهربا والماية، حطيت نصها بالظبط على مكتبه.
قبل ما الشهر يخلص، فهد كان بيشد في شعره. مرتبه اللي كان بيكفيه وزيادة، اتبخر في أول 15 يوم. اكتشف إن الفلوس اللي كان فاكر نفسه بيحوشها أو بيستمتع بيها، كانت مجرد نتيجة لأن في حد تانياللي هو أناكان شايل البيت كله على كتافه.
النهاية.. أو البداية الجديدة
في يوم 28 في الشهر، رجعت من