رواية فريسة غلبت الصياد الفصل الثالث والأربعون بقلم منال سالم
لفت انتباهه حقا .. هي نوعا ما تجذبه إليها بطريقة لا يعرف كيف يصفها ولكنه لا يستطيع أن يقاوم رغبته في إبعاد نظره عنها ..
أدار زيدان السيارة بطريقة فجائية فارتد جسد شاهي في مقعدها وارتطمت بدون قصد منها في كتف زيدان الذي مد يده تلقائيا ليسندها ..
حدق زيدان في عيني شاهي بينما نظرت إليه هي بنظرات جامدة من مقلتي عينيها اللامعة و...
زيدان بصوت رجولي عميق انتي .. آآ.. كويسة
أومأت شاهي برأسها ثم تراجعت للخلف بجسدها وأسندت ظهرها على المقعد الأمامي ثم أطرقت رأسها في توتر ونظرت إلى يديها وفركت فيهما في قلق ..
تابع زيدان شاهي من زاوية عينه ثم ارتسمت على وجهه ابتسامة عفوية .. وأكمل قيادته للسيارة ..
............................
في المشفى
أمال أدهم على خالد قليلا و...
أدهم بضيق احنا هنفضل هنا كتير
نظر خالد في ساعته ووجد أن الوقت قد تأخر بالفعل و..
خالد على مضض بيتهيألي كفاية كده
ادهم وهو يزفر في انزعاج انا بقول كده برضوه
خالد وهو يوميء برأسه أها
أدهم متسائلا وهو يشير بعينيه هنعمل ايه في البت دي
خالد وهو يلوي فمه ممم.. مش عارف
أدهم بضيق يعني هنسيبها هنا ولا ايه النظام
خالد وهو يزفر في ضيق اوووف .. أنا مش عارف أي حاجة !!
وقف عمر إلى جوار يارا و....
عمر بنبرة راجية الله يكرمك يا يارا اقنعي كنزي تيجي تبات معانا في الفيلا
يارا بنظرات حانقة انت اټجننت يا عمر ايه اللي بتقوله ده !
عمر بوجه مضطرب والله يا يارا أنا خاېف عليها هي مش هاينفع تفضل لوحدها
زمت يارا شفتيها ونظرت إلى كنزي بنظرات جادة و...
يارا متسائلة على مضض هي مالهاش قرايب
عمر بنبرة حزينة ولا حبايب حتى .. غيري أنا طبعا
لكزت يارا عمر في كتفه بحدة و...
يارا بنبرة جادة اتلم يا عمر
عمر متآلما آآآي ... حتى انتي يا يارا أخلاقك اتغيرت بعد الجواز اومال لو مكوناش سمنة على عسل
يارا بضيق أه أخلاقي اتغيرت ومايصحش اللي بتقوله ده وبعدين افرض امك عرفت ان في واحدة جاية معاك الفيلا هاتقول ايه
عمر بنظرات ثابتة ونبرة حماسية لأ اطمني ماما أصلا مش في الفيلا
يارا بسعادة أمك طفشت
عمر على مضض لأ مش للدرجادي هي سافرت يومين وهترجع .. يعني الفيلا هاتكون فاضية
يارا وهي تهز رأسها أها .. قولتلي
عمر غامزا يعني الدار أمان يا معلم !
يارا بنظرات ضيقة أيوه وأهوو الشيطان ياخد فرصته صح
عمر مبتسما وهو يوميء برأسه حقه طبعا !!
يارا بنظرات صارمة عمر !
عمر بتنهيدة آآآخ ... مش بقولك البت شبهك يا خراااابي !
اقترب أدهم من يارا وجلس إلى جوارها على المقعد و...
أدهم بنبرة منزعجة مش ناويين تمشوا ولا هتابتوا هنا
عمر وهو يشير بيده لو عاوز تقوم يا أدهم براحتك وأنا هافضل مع كنزي
أدهم بحدة بس ياله !
عمر بتهكم ياباي عليك هو أنا مافيش مرة أقول كلمة ومتهزأش فيها
أدهم بجدية انت اللي بتجيب لنفسك التهزيق !
لوى عمر فمه وأشاح بوجهه للناحية الأخرى في حين مال أدهم على يارا قليلا وهمس في أذنها ب ...
أدهم بصوت هامس هانعمل ايه
يارا بصوت خاڤت أكيد هانروح البيت
أدهم وهو يشير بعينيه طب والبت دي
يارا وهي تمط شفتيها معرفش
أدهم على مضض خالد بيقترح انها تيجي الفيلا تبات معاكي وآآآ...
نظرت
