جهاز بنتي حكايات زهرة حصري

بنتي اټوفت قبل فرحها بثلاث ايام، كنا ودينا جهازها وفرشنا شقتها بحاجات غاليه جدا ، ولما روحنا نستردها بعد العزى لقينا الشقه فاضيه على البلاط وجوزها قال ببرود انا محدش جابلي حاجه انتو هتتبلوا عليا ،واللي حصل بعدها خلاني اتاكدت ان ۏفاتها كانت ارحم لها من الجوازه دي؟؟
أنا ست أرملة، ام لبنت عشرين سنه وولد ١٤ سنه 
من يوم ما أبوهم ماټ وسابنا وأنا اللي شايل الشيلة لوحدي، بلف وأشقى من صبحية ربنا للمغرب عشان أأكلهم حلال وأربيهم ومخليهومش محتاجين حاجه من حد.
لما جه سليم عريس بنتي واتقدم، الفرحة ما كانتش سايعاني. شاب باين عليه في الظاهر ابن ناس ومحترم ومناسب، قلت الحمد لله، ربنا هيعوض صبري خير وبنتي هتستر في بيت حلال. بس عشان أبوها مېت، ما رضيتش أبداً أحسسها إنها أقل من زميلاتها أو إن في حاجة ناقصاها. كنت عاوزة اعوضها. لفيت على المحلات واخترت لها أغلى وأحسن العفش والأجهزة، كل حاجة على الفرازة، زي ما هي تمنت واختارت بإيديها.
طبعاً الإمكانيات ما كانتش تسمح بكل ده، بس قلت فداها كل حاجة. دخلت في أقساط مالهاش أول من آخر، وما كفاش، رحت استلفت سلفة كبيرة من جمعية أهلية على أساس إني هأسدد كل شهر ، كنت بقول مش مهم المهم فرحتها، المهم تبدأ حياتها وهي مرفوعة الراس ومبسوطة.
قبل الفرح بأسبوع، اخدنا الجهاز كله على شقتها ، عشان القرايب يفرشوا ويجهزوا براحتهم وم يبقاش في استعجال. الشقة بقت زي الحلم، كل حتة فيها بتبرق بالجديد، وكل حاجة بنتي لمستها بضحكتها وفرحتها كانت مالية المكان، وكنت ببص للفرش وأقول الحمد لله يا رب، قدرت اوصلها زي ما اتمنت
بس ارادة ربنا فوق كل شئ، وقبل الفرح بتلات أيام بس... حصلت الفاجعة اللي كسرت ظهري للأبد. بنتي، نور عيني، عملت حاډثة وفارقت الحياة في لحظة. الدنيا اسودت في وشي، المۏت جاني في أكتر وقت كنت مستنية أفرَح فيه. الفرحة اتقلبت ميتم، والزغاريد بقت صړيخ ونواح. عدت أيام العزا وأنا مش حاسة بالدنيا، ورقدت في السرير مش قادرة أرفع رأسي، القهر أكل جسمي، ومبقتش قادرة أنزل اشتغل ولا أتحرك خطوة واحدة.
وانا نفسي ربنا ياخدني ليها ، بس بحاول اقاوم علشان ابني اللي ملوش غيري، لكن كل ده ما بيمنعش الديون. الناس أصحاب الأقساط والجمعية بدأوا يطالبوا بفلوسهم، وأنا لا حول لي ولا قوه، ولا قادرة اشتغل، ولا معايا مليم، وفوق ده كله ابني محتاج مصاريف مدرسته، وأنا بقيت محتاجة علاج وفحوصات من كتر التعب اللي نزل عليا فجأة.
واحدة من قرايبي، ربنا يجازيها خير، جات تنصحني بصوت واطي يا أم علي العفش والجهاز لسه جديد في شقة المرحومه، انزلي هاتيه وبيعيه، ورجعي للناس فلوسها وخلصي من