حماتي وضرتي

إن اليوم ده مختلف بالنسبة لي. لما قلتله، ضحك شوية وبصلي وقال يا حبيبتي الوقت مش مناسب، عندنا مصاريف كتير الشهر ده، وعدك في عيد ميلادك الجاي هجيبلك أحلى هدية في الدنيا. صدقت.. صدقت مرة تانية، وقلبي كان بيأمل إن حاسته هترجع، وإن هيعرف قيمتي في يوم من الأيام.
بس بعد ثلاث أيام، لقيت كل الأصحاب والأقارب بيبعتولي رسايل يقولوا لي مبروك لسارة ضرتي على السلسلة الدهب الكبيرة اللي جابهالها كريم، وإنها كانت فرحانة بيها جداً. ساعتها حسيت إن شيء في جوايا ماټ.. ماټ الأمل، ماټ الصبر، ماټ كل المشاعر الحلوة اللي كنت بحملها ليه ولأهله.
من اليوم ده قررت إنني مش هسكت تاني.. مش هسمح لحد يأخذ حقي ويضيع تعبي ودم قلبي من غير ما أعرف. بدأت أسجل كل حاجة.. كل فاتورة، كل رسالة، كل إشعار بالتحويل اللي كان بيجيلي على الموبايل من البنك، كل كلمة كانت بتتقال وتثبت إن كل الفلوس اللي بيتصرفها عليهم كانت من حسابنا المشترك، اللي كنت بدفع فيه نص راتبي زي ما هو بيدفع، اللي كان المفروض يصرف منه على بيتنا ومصاريفنا واحتياجاتنا الخاصة.
كنت باحفظ كل ورقة في ملف خاص، كنت باحفظ الصور والرسائل في ملف سري على هاتفي، كنت بنوي إن الحق لازم يظهر في الوقت المناسب، ومش هقبل أي كلام يطمنني أو يخليني أسكت مرة تانية.
الفصل الثاني العزومة اللي غيرت كل حاجة
جاء اليوم اللي كانوا هيجتمعوا فيه كل الأهل في عزومة كبيرة عند حماتي، مناسبة إن أخوه نجح في عمله الجديد، والكل كان فرحان ومبسوط، والجميع بيمدحوا كريم ووقفته جنب أخوه ومساعدته له في كل حاجة. كنت قاعدة في الزاوية بشرب الشاي وبسمع الكلام، وكل كلمة كانت بتدق في قلبي دقة دقة لحد ما الصبر نفد خالص.
لما حماتي وقفت وسكتت الكل عشان تسمعها، قالت بصوت عالي ومسموع للجميع أحب أقول كلمة حق في حق ولدي كريم، هو نعم الأخ ونعم الابن، وبصراحة ربنا يهدي له مراته اللي مش بيهمها غير طلباتها ومش عارفة تقدر تعب الراجل ومسؤوليته تجاه أهله.
كل العيون اتجهت ليا، وبصوا لي بنظرات استغراب ولوم، وكنت متوقعة كل ده، فابتسمت بهدوء وقمت وقولت عند حضرتك حق يا ماما.. عشان كده عملت كشف صغير ورتبت فيه كل حاجة، عشان الكل يعرف الحقيقة زي ما هي. طلعت الملف من شنطتي وبدأت أوزع النسخ على كل واحد قاعد على الترابيزة، بعضهم أخدها بفضول، وبعضهم خاف ياخدها، وبعضهم كان بيقلب في الورق بتركيز.
حماتي لما شافت الورق اتغير لونها وقالت إيه ده اللي جابتيه يا بنتي؟ قوليلي إيه الڤضيحة دي اللي عاوزة تعملها؟.
وجوزي كريم أول ما قرا أول سطر في الجدول، قام بسرعة وحاول يسحب الملف من إيدي وقال هاتيه يا رنا.. هاتيه قولتلك بلاش الكلام الفاضي ده، هتفضحي نفسك وتفضحينا كلنا.
لكن كان فات الأوان.. أخوه اللي اسمه سامي، كان فتح النسخة اللي معاه وقرا بصوت مهزوز طلب تغيير الثلاجة بتاعة بيت كريم ورنا.. مرفوض بتاريخ 10 يناير.. علاج أسنان رنا.. مؤجل من 2 فبراير لحد دلوقتي.. خاتم عيد ميلاد رنا.. مرفوض بتاريخ 12 أبريل.. وتحتها تكييف جديد لشقة سامي وسمية.. مدفوع بالكامل بتاريخ 18 يناير.. سلسلة دهب لسمية.. مدفوعة بتاريخ 15 أبريل.. موبايل حديث.. مدفوع بتاريخ 3 مارس.. مساهمة في جهاز سمية.. بتاريخ 20 فبراير.. وتحويلات شهرية بمبلغ أربعة آلاف جنيه كل شهر من أول
السنة.
سكت شوية