شفت ابنى

ما شافني، قام وقال
أمي كلمتني تاني. بتقول إنها جاية بكرا، عشان تصلح الغلط وتتكلم معاكي.
تيجي؟ رديت ببرود تيجي، أنا مش خاېفة منها. لما تعرف النتائج، وقتها نشوف هي جاية تصلح الغلط، ولا تخبّي چريمة.
مر اليوم التالي ببطء رهيب. ياسين كان حاسس بتوتري، فكان لازمني ومش بيفارقني. كريم كان صامت معظم الوقت، بيحاول يشتغل على اللابتوب، لكن تركيزه كان رايح في كل حتة. كنت أحس إنه بيصارع جواه حب لأمه، وخوف على ابنه، وارتباك بين الحقيقة والواجب. حاولت أكتر من مرة أفتح معاه الموضوع، لكنه كان يتهرب، يقول خلينا نستنى النتائج، وبعدها لكل حاډث حديث.
وفي صباح اليوم التالي، رن موبايلي، وكانت دكتورة هند. صوتها كان قلقان ومرتبك
سارة تعاليلي بسرعة. النتائج طلعت والحاجات اللي طلعت مخيفة أوي. لازم تشوفيها بنفسك، ومحددش يعرف بيها غيرك.
قلبي وقع في رجليّ. لبست بسرعة، وقبل ما أخرج، قلت لكريم
أنا رايحة المعمل تاني. حماتي لو جت، تقوليلها أنا راجعة قريب.
وصلت بسرعة، ودخلت مكتب هند، اللي كانت قاعدة قدام أوراق التحاليل، ووشها شاحب. قالتلي وهي بتشاور على الأوراق
اسمعي كويس يا سارة البودرة الرمادية دي كانت خليط من مواد كيميائية سامة رصاص، وزرنيخ، ومركبات تانية بتستخدم في صناعة المبيدات والدهانات الرخيصة. تركيزها عالي جدًا، وملامسة الجلد أو استنشاقها لفترات طويلة زي ما ابنك كان نايم عليها تلات ليالي بتسبب ټسمم، مشاكل في التنفس، وتلف في الأعصاب والدماغ على المدى الطويل.
مسكت الكرسي عشان أستند عليه، الدنيا دارت بيا. كملت هند بصوت خاڤت
قطع المعدن كانت خردة من بطاريات قديمة ومسامير صدئة، بتحتوي على معادن ثقيلة سامة كمان. والطوب والرمل كانوا ملوثين بمواد مشعة بتركيز ضعيف لكن كفيل إنه يسبب ضرر مع الوقت. والقطن اللي كان الحشو الأصلي ده مش قطن طبيعي خالص، ده نفايات نسيج معالجة بمواد حافظة سامة، ومتخالط ببقايا أقمشة صناعية محروقة.
سكتت شوية، وبعدين بصتلي بجدية
سارة الحاجات دي ما جت بالصدفة. اللي عمل البطانية دي كان قاصد يضعها بالشكل ده. وزنها الثقيل من الحاجات دي كان غرضه يخلي الطفل يضغط عليها بجسمه، فتتسرب المواد لجلده ويتنفسها. دي محاولة قتل بطيئة ومحكمة جدًا، وممكن أي حد يشك في إنها بطانية عادية ما يلاحظش الحشو الغريب إلا لو فتحها زي ما عملتي.
دموعي نزلت من غير شعور. ابني كان على وشك لا، مش عايزة أكمل. مسكت أوراق التحاليل بإيدي المرتعشة، وسألتها
وهل تقدر المعمل يثبت ده؟
طبعًا. كل ورقة فيها الختم الرسمي، والتوقيع، وبيانات العينات. دي أدلة قانونية قوية جدًا لو الموضوع وصل للشرطة أو المحكمة.
شكرتها من كل قلبي، واتواعدنا إنها تفضل معايا على اتصال. وأنا راجعة البيت، كنت عارفة إن الموضوع ده مش هينتهي بسهولة. حماتي جاية، وكريم عارف أشياء، والسر ده لازم ينكشف كله.
الجزء الثالث المواجهة
لما فتحت باب الشقة، سمعت صوت حماتي من الصالة، عالية ومسموعة
يا سلام عليكي يا سارة، بقيتي ست كبيرة قوي لدرجة إنك تفتحي هدايا الناس وتشكيك في نواياهم؟ ده جزاتي اللي بتعب عشانكم؟
دخلت، لقيتها قاعدة على الكنبة، لابسة لبسها التقليدي، وماسكة عصاها، ووشها مليان زعل وعتاب قدام كريم اللي واقف جنبها ومكتف إيده. أول ما شافتني، قامت وقفت ببطء، وقالت بصوتها الجهوري
أخيرًا جيتي! كنتي فين يا ست الكل؟ تروحي تخبري الناس على أم جوزك وتعمليلي فضايح؟
رديت بثبات، رافعة الأوراق في إيدي
رحت أجيب نتيجة تحليل الحاجات اللي كانت جوه البطانية. والنتائج دي هتثبت مين اللي كان بيعمل خير، ومين اللي