حماتي واكل جوزي

حماتي كانت بتاخد الأكل اللي بعمله لجوزي كل يوم وتقول له إنها هي اللي طبخته سكتّ لحد اليوم اللي مديره جه يتعشى عندنا وشكرها على الأكلة المشهورة اللي هي أصلًا ما تعرفش تعملها.
أنا متجوزة كريم بقالنا 4 سنين، ومن أول يوم جواز وأنا عارفة إن حماتي بتحب تظهر قدام ابنها إنها الست اللي محدش يقدر يعوضها.
بس عمري ما تخيلت إنها ممكن تنسب لنفسها حتى الأكل اللي أنا بعمله.
الموضوع بدأ من حوالي 6 شهور.
كريم شغله بعيد، فكنت كل يوم أصحى بدري وأجهزله الغدا قبل ما ينزل.
مرة مكرونة بشاميل، مرة فراخ في الفرن، مرة محشي، ومرة طاجن لحمة بالبصل.
وكان عندي أكلة كريم بيعشقها تحديدًا كفتة بصوص الطحينة ودبس الرمان، بطريقة أمي علمتهالي.
في يوم رجع من الشغل وقال وهو مبسوط
تسلم إيد ماما، الكفتة اللي بعتها النهارده كانت تحفة.
بصيتله باستغراب.
مامتك؟
آه، عدت عليا في الشغل وقالت إنها عاملالي الغدا بنفسها.
سكت.
لأن حماتي كانت بتعدي علينا الصبح أوقات، وافتكرت إنها يمكن خدت العلبة ووصلتهاله بس.
تاني يوم حصل نفس الموضوع.
وبعدها بأسبوع كريم قاللي
تعرفي؟ ماما نفسها في الأكل اتحسن جدًا الفترة دي.
وقتها فهمت.
هي كانت بتاخد علب الأكل اللي أنا مجهزاها، وتوديها له على شغله وتقول إنها اللي طبخت.
واجهتها مرة.
قولتلها
يا طنط، الأكل اللي بتوديه لكريم أنا اللي عاملاه.
ردت بمنتهى البرود
وإيه يعني؟ أنا أمه، المهم ياكل.
بس حضرتك بتقوليله إنك اللي طبختيه.
ضحكت وقالت
هو إحنا هنقف لبعض على اللقمة كمان؟
كنت أقدر أعمل مشكلة.
لكن سكت.
لحد ما الموضوع زاد.
كريم بقى يقارن.
ماما بتحط بهارات أحلى منك.
اسألي ماما بتعمل الصوص إزاي.
غريبة إن أكل ماما بقى عاجبني أكتر.
وأنا كل مرة أسمع وأسكت.
لحد يوم الخميس.
كريم كلمني من الشغل وقال
مديري جاي يتعشى عندنا النهارده.
قلتله
فجأة كده؟
آه، هو داق الكفتة اللي ماما بتعملها كذا مرة في المكتب وعجبته جدًا، وأنا عزمته يجربها سخنة في البيت.
سكت ثانيتين.
وبعدين سألته
ومامتك جاية؟
قال
طبعًا، هي اللي هتعمل الأكل.
ابتسمت.
تمام.
كلمت حماتي.
كريم قاللي إن حضرتك هتعملي الكفتة المشهورة النهارده.
سكتت.
وبعدين قالت
آه طبعًا بس أنا عندي شوية مشاوير، جهزي إنتِ الدنيا وأنا هاجي أحط اللمسات الأخيرة.
قولتلها
لا يا طنط، مينفعش. الراجل جاي مخصوص عشان أكلك. أنا مش هدخل المطبخ خالص.
صوتها اتغير.
إنتِ بتستهبلي؟
أبدًا. بالعكس، نفسي أتعلم منك.
قفلت.
الساعة 7 وصل مدير كريم.
وحماتي وصلت قبله بعشر دقايق، شايلة كيس فيه فراخ مشوية جاهزة من مطعم.
أول ما شافته قالت بثقة
كنت هعملك الكفتة اللي بتحبها، بس قولت أغيرلك النهارده.
مدير كريم ضحك وقال
لا لا، أنا جاي مخصوص عشان الكفتة.
وشها اتشد.
كريم بصلي
اعمليلنا الكفتة بسرعة.
قلت بمنتهى الهدوء
معرفش أعملها.
حماتي بصتلي پصدمة.
كريم قال
إزاي؟ دي سهلة.
بصيت لحماتي.
أكيد ماما تعرف، دي أكلتها المشهورة.
مديره ضحك
أنا مستعد أساعد في المطبخ كمان عشان أعرف السر.
حماتي قامت مضطرة.
دخلنا كلنا المطبخ.
طلعت اللحمة والتوابل وحطيتهم قدامها.
وقلت
اتفضلي يا طنط.
مسكت اللحمة.
وقفت.
بصت للتوابل.
وبعدين سألتني بصوت واطي
الكمون فين؟
ناولتهولها.
بعد دقايق سألت
وإنتِ بتحطي إيه في الصوص؟
بصيتلها وقلت
أنا؟
مدير كريم