رواية جديدة

دخل جوزي الشقة وزعبيبه في السحاب وهو بيزعق بصوت هز الأركان ليه مرتبك مانزلش في الحساب؟ أمي كارتها اترفض قدام الناس في المطعم والفضيلة بقت بجبس!... كنت واقفة في أوضة الأطفال شايلا بنتي الصغيرة على كتفي وبطبطب عليها، وصوت المطر بره بيهدي الأعصاب، بس أنا ابتسمت ابتسامة هادية وقلت في سري يا حلاوة.. فاكر إن الكارت اللي اتكنسل هو المصېبة؟ ما يعرفش إن دي مجرد أول طوبة تقع في المعبد كله!
بنتي فريدة كانت يادوب لسه مغمضة عينيها بعد ساعة كاملة من الهزهزة، وصوابعها الصغيرة ماسكة في بطانيتها البيضا، وفجأة دخل صوت حسام وهو پيصرخ باسمي نورهان!.. البنت اتنفضت من الخضة وقعدت ټعيط.. خرجتله بهدوء وضبطت صوتي وطي صوتك البنت لسه نايمة بالعافية.. كان واقف في الصالة قميصه متكسر وماسك الموبايل بإيده التانية وبياخد نفسه بالعافية عملتي إيه في حساب البيت؟.. عملت إيه يعني؟.. أمي كانت بتتغدى مع صحباتها في مطعم، وجت تدفع بالفيزا لقيتها اترفضت، ومرتبك مانزلش النهاردة أصلاً!
القصة بدأت من 3 سنين، لما حسام أقنعني أضيف أمه الحجة ماجدة توقيع معتمد على حسابنا المشترك، بحجة إنها تساعدنا بعد الولادة وتشتري طلبات البيت والعلاج وتدفع الفواتير لو أنا مشغولة.. في الأول كانت بتعمل كده فعلاً، بس مع الوقت السحوبات بدأت تحلوّ.. السوبرماركت بقى يتحول لبراندات مكياج، وعلاج الصيدلية بقى كافيهات ومطاعم فخمة، وحتى حفاضات البنت بقى يطلع معاها شنط وتغيير جو في الكوافيرات الغالية! ولما كنت أفتحه في الكلام، كان حسام يقلب الترابيزة ويقولي أمي أدرى منك بالفلوس.. دي بتبني معانا البيت.. المفروض تشكريها بدل الكلام ده!.. وفي الوقت اللي كنت بلبس فيه جزمتي المقطوعة وبحسب القرش قبل ما أشتري علبة اللبن للبنت، كانت أمه بتنزل صورها وهي بتشرب عصاير فريش وبتاكل في أفخم أماكن مع صحابها.. ولما الكارت بتاعي اترفض مرة وأنا بشتري حفاضات للبنت، قال لي دي مجرد صدفة.. بس أنا خلاص، مبقتش أؤمن بالصدف.
بصيتله بثبات وقلتله أنا فتحت حساب جديد، ومرتبي ينزل عليه.. ملامحه اتغيرت وشعّلت ڼار نقلتي مرتبك من ورايا؟.. أيوة.. وليه تعملي حركة زي دي؟.. عشان أمك كانت بتصرفه على فسحها وصحابها.. أمي بتصرف على البيت!.. أمي كانت بتعزم صحباتها على الغدا بره من فلوسي!.. موبايله ارتعش برنين رسالة من أمه أنت مش قلت الفلوس هتكون في الحساب الصبح؟ اتصرف وحل الموقف ده فوراً!.. غطى الشاشة بسرعة وخباها، فقمت رميتله المفاجأة التانية على فكرة، أنا خدت الترقية النهاردة بقيت مدير حسابات زاد مرتبي 30!.. عينيه برقت، وبدل ما يفرحلي، سألني وطمع في عينيه ونقلتي المرتب عشان تخبي الزيادة لنفسك؟.. نقلته عشان أكون أنا المسؤولة عن تعبي وفلوسي.. إحنا متجوزين والفلوس بيننا واحدة!.. طب وريني فلوسك