رواية جديدة

مش في الكلام يا فلان الچرح في إنك افتكرت إن كرامتي ممكن تتكسر بعرض مسرحية.
وبدون ما أستنى رد، خرجت من الكافتريا.
وبره الهوا كان أبرد، بس صدري كان أخف لأول مرة من شهور.
ولما مشيت خطوات بعيد، سمعت صوت كرسي بيتحرك ورايا بس المرة دي ما التفتش.
لأن في لحظة معينة الرجوع بيبقى مش حب.
بيكون بس عادة وأنا خلاص بطلت أرجع في الطريق وأنا ماشية، إيدي كانت بترتعش بس مش من الخۏف من الإحساس اللي بدأ يطلع جوايا لأول مرة إني كنت شايفة الصورة من جوه، مش من بره.
قفلت عيني لحظة، وبعدين كملت مشي.
لكن فجأة سمعت صوت خطوات سريعة ورايا.
استني!
الټفت لقيته واقف على بعد خطوات، بس المرة دي من غير البنت.
وشه كان متلخبط، مفيهوش لا شماتة ولا استهزاء لأول مرة شكله مش ماسك زمام نفسه.
قال بسرعة البنت دي مالهاش علاقة بأي حاجة انتي فهمتيها غلط.
رفعت حاجبي وسكت.
كمل وهو بياخد نفس متقطع أنا كنت عايز أوريكي إنك خسرتيني بس أنا اللي شكلي اللي خسړت نفسي في اللحظة دي.
ضحكت ضحكة قصيرة، بس مش سخرية أقرب لمرارة غريبة فجأة بقيت بتقول الحقيقة؟
سكت ثواني، وبعدين قال بصوت أوطى أنا لما شفتك واقفة اتلخبطت. الفكرة كلها خرجت عن السيطرة.
هزيت راسي وقلت بهدوء المشكلة مش إنك خططت تتريق عليا المشكلة إنك كنت محتاج تعمل كده أصلاً.
قرب خطوة وقال بسرعة مش عايزك تفتكري إني كده فعلاً أنا اتعصبت و
قاطعته وأنا خلاص مبقتش مهتمة تعرفني الحقيقة دي ولا لأ.
سكت.
السكوت ده كان مختلف عن الأول مش سكوت غرور، سكوت شخص اتكشف قدام نفسه.
لفيت أمشي تاني، لكنه قال بصوت مكسور شوية هو ينفع نرجع نتكلم بهدوء؟ مرة واحدة بس؟
وقفت لحظة وبصيت له من غير ما أتكلم.
وبعدين قلت أنت مش محتاج ترجعني أنت محتاج تفهم ليه وصلت إنك تحاول تكسر حد كان في يوم بيحبك.
سكت.
كملت وأنا ماشية وأنا مش هكون الدرس اللي تتعلم منه تاني.
والمرة دي مشيت فعلًا.
من غير ما أستنى رد.
ومن ورايا مكنش في صوت خطوات.
كان في بس شخص واقف مكانه، لأول مرة من غير خطة، ومن غير قناع، ومن غير جمهور يشهد عليه.
أما أنا فكنت ماشيه لأول مرة مش راجعة لورا.
حتى لو القلب لسه بيهتز بس الطريق قدامي كان واضح أكتر من أي وقت فات بعد كام يوم حاولت أعيش بشكل طبيعي.
شغل، بيت، خروج بسيط بس الحقيقة إن الصورة اللي شفتها في الكافتريا كانت بتظهر قدامي كل شوية، كأنها مش عايزة تختفي بسهولة.
الغريب إن موبايله اتصل بيا.
مرة.
اتنين.
تلاتة.
وكل مرة كنت بسيبه يرن من غير ما أرد.
لحد ما في يوم، وصلتلي رسالة
ممكن تقابلي شخص واحد بس؟ مش أنا واحد محتاج يسمع منك حاجة مهمة.
اتجمدت لحظة وأنا بقرأ.
رديت بسؤال واحد مين؟
جالي الرد بعد دقيقة أمي.
قفلت