رواية كامله

قبل الفرح بتسع أيام كاملة، قرر أحمد الشناوي يعمل أغرب حاجة ممكن تخطر على بال بني آدم. لبس سحلة، وبهدل هدومه، وحط دقن مستعارة ملزوقة ومقرفة، ووقف ورا ورشة مهجورة في حارة ضيقة متفرعة من شارع جامعة الدول في المهندسين، وهو بيبص لنفسه في مراية عربية مکسورة. الراجل اللي واقف ده مش ابن عائلة الشناوي العريقة، ولا عريس منة الصاوي اللي صور فرحهم مغرقة صفحات السوشيال ميديا، ده كان مجرد راجل غلبان بهدومه مقطعة ومتبهدلة على الآخر، ومعاه شنطة قديمة مربوطة بحبل دبارة. وائل السواق بتاعه كان واقف مستنيه بالعربية المرسيدس السودا وقاله بقلق يا باشا لسه في وقت ترجع في كلامك، بس أحمد ظبط الطاقية المبهدلة على راسه وقاله بنبرة ناشفة أنا مش جاي أرجع، أنا جاي أعرف الحقيقة.
الشك ده زرعته منة بنفسها من تلات أسابيع في قراية الفتحة في التجمع، لما صاحبتها هزرت وقالتلها تخيلي لو أحمد صحي الصبح لقى نفسه خسير كل مملكته، فمنة ابتسمت وقالت بثقة أحمد مش الراجل اللي يخسر كل حاجة. الكلمة دي وقفت في زور أحمد وخلت كل بوسة وكل كلمة حب بعد كده تتحول لسؤال كبير في دماغه هي بتحبني ولا بتحب فلوسي؟
الساعة عشرة الصبح، كان قاعد على الرصيف قدام مول شهير، وماسك في إيده كوباية كرتون، والناس بتعدي من جنبه كأنه هوا، لحد ما الساعة جت اتناشر والظهرية حامية، ولمح عربية بيضا نزلت منها منة بفستان شيك جداً ووراها صاحبتها نيرمين عمالة تتكلم في الموبايل ومستعجلة. منة وهي داخلة الأتيليه عينيها جت في عين الراجل اللي قاعد على الرصيف، أحمد وطى راسه بسرعة، بس هي وقفت. نيرمين شدتها وقالتلها منة اخلصي مصممة الأزياء مستنيانا، بس منة نفضت لها ووقفت قدامه وقالتله بصوت كله حنية يا عم الحج، أنت أكلت حاجة من الصبح؟ أحمد غير صوته تماماً وقاله بصوت مبحوح من إمبارح دوق الهنا يا بنتي. منة فتحت شنطتها ونيرمين برطمت وقالتلها في جمعيات للكلام ده مش هتصلحي الكون أنتِ، بس منة طنشتها وطلعت ورقة بميتين جنيه، وقبل ما تحطها في الكوباية عينيها جت على صباع أحمد الكبير، ولمحت آثار چرح قديم، الچرح ده هو اللي اتعوره ليلة ما خطبها لما الكوباية اتكسرت في إيده من كتر التوتر. منة برقت وقالتله إيدك مالها يا عم الحج؟ فخباها بسرعة وقالها چرح قديم يا بنتي. هي سكتت ثانية وراحت حاطة الفلوس باحترام وقالتله هاتلك حاجة دافية ومفيدة تاكلها، ولما مشيت خطوتين رجعت تاني وطلعت كارت وقالتله وكمان الكارت ده فيه عنوان دار إطعام في السيدة زينب، أنا بروح هناك أساعدهم ساعات، روح وقولهم أنا من طرف منة وهما هيقوموا معاك بالواجب. أحمد اټصدم لأن