صافي هاني
بكره الصباحية هرفعلك طلب عاجل للمحامي العام لإسقاط الحضانة عنها فوراً وضم الطفل ليك مؤقتاً لحين صدور حكم نهائي.
مضيت وإيدي ثابتة.. مكنتش حاسس بالشماتة، كنت حاسس بالعدل.. شرع ربنا اللي بيقول ولا تحسبن الله غافلاً عما يعمل الظالمون كان بيتحقق قدام عيني.
رجعت لغرفة عمر، قعدت على الكرسي جنبه، مسكت مصحفي الصغير وبدأت أقرأ قرآن بصوت واطي وجنبه يهديه.. وأنا باصص لوشه وهو نايم، حلف في سري إن العمر اللي باقيلي كله هيكون ليه.. عشان أعوضه عن كل ليلة عاشها في الړعب، وعشان أرجّع البطل الصغير يغني ويضحك تاني من قلبه.
الليل عدا وأنا قاعد جنب سريره، مش ملاحق على الأفكار اللي بتاكل في دماغي، وعيني منزلتش من عليه لحظة. كل ما يتفزع في نومه أو يئن بصوت واطي، كنت بطبطب عليه وأقرا آية الكرسي في سري لحد ما يهدأ ويرجع ينام تاني. عرفت ساعتها معنى الآية الكريمة وجعلناكم شعوباً وقبائل لتعارفوا إن أكرمكم عند الله أتقاكم.. الحنية والأمان مش بالورق والصور، دي بالرحمة اللي ربنا بيحطها في القلوب.
على الساعة تسعة الصبح، الشمس بدأت تدخل الأوضة، والباب خبط براحة. دخل ضابط المباحث ومعاه الست الأخصائية بتاعة المحكمة ووكيل النيابة اللي جه بنفسه المستشفى عشان يعاين حالة عمر ويسمع أقواله في مكانه رأفة بوضعه الصحي.
وكيل النيابة كان راجل وقور، بصل لعمر بنظرة أب حنين، وقرب من السرير وقعد على طرفه وبدأ يتكلم معاه براحة وبصوت واطي جداً عشان ميخوفوش
أزيك يا بطل؟ أنا عمو أحمد من النيابة.. جيت هنا مخصوص عشان أشوفك وأقولك إن مفيش أي حاجة تخوفك بعد النهارده. قولي يا حبيبي، إيه اللي حصل معاك في البيت هناك؟
عمر بصلي الأول، وكأنه بيستمد مني الأمان.. هزيت له راسي وابتسمت اتكلم يا عمر، عمو هيجيبلك حقك ومحدش يقدر يعملك حاجة.
الولد بدأ يتكلم، وصوته بيترعش.. حكى بالتفصيل عن الأيام السودا اللي عاشها، عن جوز أمه اللي كان بيقفل عليه الأوضة ويضربه ويهدده بالسکينة لو اِتكلم، وعن أمه اللي كانت بتشوف وتسمع وتقفل الباب وتنزّل الستائر عشان الجيران ميتكلموش، وتقوله استحمل عشان متخربش عليا حياتي.
كل كلمة عمر كان بيقولها كانت بتنزل على قلبي زي السكاكين، بس وكيل النيابة كان بيكتب وعينيه بتطق شرار من الڠضب. لما خلص، وكيل النيابة طبطب على رجله وقال حقك راجع يا بني، وربنا مش هيرضى بالظلم ده.
الټفت الوكيل ليا وقال بنبرة حاسمة
يا أستاذ أحمد، تقرير الطب الشرعي النهائي وصل، وفيه إثبات كامل بوجود تعذيب ممنهج وإصابات بالغة. وبناءً على شهادة الطفل وأقوالك وتقرير الأطباء، صدر قرار النيابة بحبس المتهمين هدى وجوزها أربعة أيام على ذمة التحقيق مع التجديد في الميعاد، پتهمة الشروع في القټل والټعذيب واستغلال طفل.
أخد نفس وكمل وهو بيمضى على ورقة في إيده
وده قرار عاجل بتسليم الطفل ليك فوراً بصفة مؤقتة، لحين رفع الدعوى الرسمية وإسقاط الحضانة عنها نهائياً لعدم الأمانة والصلاحية الأخلاقية والشرعية.. خده في حضنك يا فندم، الولد محتاجك.
أخدت الورقة منه وإيدي بتهتز، بس المرة دي من الفرحة.. دموعي نزلت ڠصب عني، وسجدت لله شكر في أرض الأوضة.. الحمد لله الحنان المنان.. الحمد لله اللي نصر الحق.
بعد يومين، كتبوا لعمر على خروج من المستشفى بعد ما حالته استقرت وأطمنوا إن الكسر اللي في ضلوعه محتاج بس راحة وعلاج ومتابعة.
شيلته بين إيديا ونزلنا.. الجو برا كان جميل، والشمس دافية. ركبنا العربية، وقعدته في الكرسي اللي قدام جنبي وحطيت
