صافي هاني

والبروتوكول.
أنا أبوه!
عشان كده بالذات، احنا لازم نحميه صح.
الكلمة دي خبطت في دماغي زي الطلقة.. نحميه صح.
أومال أنا كنت بعمل إيه طول الشهور اللي فاتت دي؟ مستني؟ بجمع أدلة؟ ومأمل إن جلسة المحكمة وقضية الرؤية والحضانة هما اللي هيحلوا الۏجع اللي ابني كان پيصرخ بيه بعينيه؟
فضلت واقف في الطرقة، إيديا عرقانة، وبسمع الأبواب وهي بتفتح وتقفل.
بعد ثلث ساعة، هدى وصلت.. دخلت ثائرة، شعرها مظبوط على الشعرة، شايلة شنطة براند غالية، ولابسة الجاكيت اللي كنت أنا جايبهولها أيام ما كنت فاكر إننا لسه عيلة وبيت واحد.
بصتلي بغل وقالت أنت هببت إيه يا أحمد؟ طلبت الشرطة وعملت ڤضيحة عشان الولد اتمأوع شوية؟
مردتش عليها. حاولت تدخل الأوضة لعمر، بس الممرضة وقفت في وشها
ممنوع الدخول يا مدام.
أنا أمه!
عشان كده بالذات يا فندم، اتفضلي استني هنا.
هدى اتسمرت في مكانها، ودي كانت أول مرة في حياتي أشوفها بتفقد ثباتها ووشها بيجيب ألوان.
حاولت تلحق نفسها وقالت بسرعة الولد وقع في الحمام ومكنش قصدها حاجة.. أنا كنت لسه هفهمك واشرحلك اللي حصل.
في اللحظة دي، ضابط الشرطة اللي واقف رفع عينه وبصلها بنظرة تانية خالص.
الضابط ساب القلم من إيده، وبصلها ببرود يقلق وهو بيقفل المحضر اللي قدامه وقال
تقصدي إيه ب مكانش قصدها حاجة يا مدام؟ ومين هي اللي مكانش قصدها؟
هدى لسانها اتلجلج، ووشها اصفرّ وبدأت تفرك في إيديها
لأ.. أنا أقصد مكانش قصدي.. لسان عصفور غلطة لسان يعني.. الولد اِتزحلق في الحمام وهو بيستحمى عادي، وأنا كنت مستعجلة عشان أنزله لوالده فملحقتش أوديه لدكتور، قولت أبوه يتصرف.
الضابط بصلها من فوق لتحت، ومشي خطوتين ناحية الممرضة وقال بنبرة حاسمة
محدش يدخل الأوضة دي، وتؤمروا قوة الحراسة تقف على الباب.. وممنوع أي تواصل مع

الطفل لحد ما تقرير الطب الشرعي المبدئي يوصلني في إيدي.
الكلمة نزلت عليها زي الصاعقة.. طب شرعي؟
بصتلي وعينيها مليانة غل وخوف، وقربت مني وهي بتوشوشني وبتجز على أسنانها
أنت عاوز تخرب بيتي؟ عاوز ټفضحني وتضيع مستقبلي؟ اتقِ الله في سمير وفيّا، ده ابنك! عاوز الناس تقول على أمه إيه؟
ساعتها بس، حسيت إن ربنا نزّل في قلبي برود غريب وقوة مكنتش فيّا.. بصيت في عينيها وقولت بصوت واطي ومسموع
أنتِ اللي خربتِ بيتك بإيدك، وضيعتِ الأمانة اللي ربنا استأمنك عليها.. كلكم راعٍ وكلكم مسؤول عن رعيته.. وأنتِ ضيعتِ ابني.. أنا سكتّ كتير وقولت بلاش محاكم وفضايح عشان خاطر الواد، بس لحد وجعه وكسرته.. خلاص، اللي بيني وبينك دلوقتي هو شرع ربنا والقانون.
في اللحظة دي، الباب اتفتح وخفّت الحركة شوية، وخرج الدكتور المسؤول عن حالة عمر.. وشه كان مقلوب، وعينيه كلها ڠضب.. الضابط قرب منه بسرعة
خير يا دكتور؟ التقرير المبدئي بيقول إيه؟
الدكتور بصلنا احنا الاتنين، ونفخ بضيق وهو ماسك الأشعة في إيده وقال
الولد عنده كدمات شديدة وكسر في الضلوع، وفيه آثار حروق سجاير قديمة وجديدة في ضهره.. ده مش واقع في حمام يا فندم، الولد ده بيتعرض لتعذيب منهجي بقاله أسابيع، ولولا ستر ربنا كان ممكن يحصله ڼزيف داخلي يودي بحياته.
الدكتور لسه مكملش كلامه، ولقينا هدى بتمثل إنها بتغمى عليها وبتقع في الأرض وهي بتصرخ
يا لهوي! ابني! مين عمل فيك كده يا حبيبي؟ ده أنا بسيبه مع جوزي الجديد لما بنزل الشغل! والله ما أعرف حاجة!
الضابط متهزش من التمثيلية، شاور لأمناء الشرطة اللي واقفين وقال بلهجة حاسمة
هاتوها.. واطلبوا قوة تروح تقبض على جوزها فوراً من البيت.. المحضر ده اتقلب جناية شروع في قتل وهتك عرض