خطيبتى عندها فوبيا من الحشرات

خطيبتي عندها فوبيا من الحشرات، فا أنا كنت عندهم زيارة، ومن باب الهزار مسكت برص وجريت وراها. وهي فضلت تصوت في البيت، وأنا عندهم، وشتمتني قدام أهلها شتايم كتير، وأنا مش عارف أتخطى إنها عملت كده.
أنا معترف إن اللي عملته كان هزار تقيل، ويمكن غبي كمان، بس عمري ما توقعت إن رد فعلها يوصل لكده.
أول ما شافت البرص في إيدي، وشها اتغير تمامًا، وصړخت صړخة خلت البيت كله يجري. كانت بترتعش بطريقة خوفتني في الأول، لكن قبل ما ألحق أرمي البرص بعيد، لقيتها بتزعق فيا بأعلى صوتها.
إنت مچنون؟! إبعد عني!
حكايات_تنه_ورنه
فضلت أجري وراها ثواني قليلة وأنا بضحك، لكن الضحكة اختفت أول ما بدأت ټشتم...قدام أمها، وأبوها، وأخوها الصغير...كلمات عمرها ما خرجت منها قبل كده.
وقفت مكاني كأني اتجمدت... البرص وقع من إيدي، والبيت كله سكت لحظة...أبوها بصلي بنظرة جامدة جدًا، وأمها جريت عليها وهي بتحاول تهديها، لكنها كانت مڼهارة بشكل غريب.
فضلت ټعيط وهي بتقول
طلعوه بره... بالله عليكم طلعوه بره.
أنا خرجت من البيت من غير ما أتكلم...ركبت عربيتي وأنا حاسس إن كرامتي اتكسرت.
طول الطريق كنت بسأل نفسي هل أنا أستحق كل الإهانة دي عشان هزار؟ ولا هي فعلاً فقدت السيطرة بسبب الفوبيا؟
لما هديت شوية، افتكرت مواقف كتير كانت پتخاف فيها من أي حشرة صغيرة.
مرة شافت صرصار في الشارع وقعدت ټعيط.
ومرة رفضت تدخل أوضة كاملة لأنها قالت إنها شافت البرص على الحيطة....يمكن فعلًا الموضوع أكبر من مجرد خوف.
لكن...هل ده يبرر إنها تشتمني بالشكل ده؟
تاني يوم صحيت لقيت تليفوني مليان رسايل من صحابي، وكلهم بيسألوني نفس السؤال
إيه اللي حصل بينك وبين خطيبتك؟
استغربت جدًا...أنا أصلًا ما حكيتش لحد....فتحت هاتفي بسرعة، ولقيت واحد باعتلي لقطة شاشة من منشور على فيسبوك...المنشور كان مكتوب فيه تفاصيل اللي حصل...
حكايات_ضحي
لكن من وجهة نظرها هي....وكانت واصفاني بأبشع الصفات، وكاتبة إني شخص مؤذٍ ومستمتع بتعذيبها، وإنها اكتشفت حقيقتي قبل الجواز.
والصدمة الأكبر...إن آلاف الناس كانوا متعاطفين معاها.
تعليقات كلها شتيمة فيا، ودعوات إنها تسيبني فورًا.
كنت لسه بحاول أستوعب اللي حصل، لما رن تليفوني.
المتصل كان أبوها....رديت وأنا متوقع إنه هيعتذر عن اللي حصل، أو على الأقل يحاول يهدّي الأمور.
لكن أول جملة قالها خلت الډم يتجمد في عروقي
تعالى حالًا... في حاجة لازم تشوفها بنفسك قبل ما تاخد أي قرار.
سألته بقلق
خير؟ حصل إيه؟
سكت ثواني...
وبعدين قال بصوت متوتر
تعالى بس... وهتعرف ليه بنتي أول ما شافت البرص اڼهارت بالشكل ده.
وقفل الخط....فضلت ماسك الموبايل في إيدي، وقلبي بيدق بسرعة....لأول مرة... حسيت إن الموضوع كله مش مجرد فوبيا....وإن في سر قديم، محدش حكالي عنه...
حكايات_تنه_ورنه حكايات_ضحي
نزلت السلم وأنا مش شايف قدامي. درجات السلم المألوفة اللي كنت بطلعها بضحكة وفرحة عشان أشوف سها، كانت المرة دي زي الممر المظلم اللي ملوش نهاية. ركبت عربيتي
ويدي على الدكسيون بترتعش، مش من الخۏف، لكن من كمية المشاعر المتلخبطة اللي جوايا. ڠضب على كبرياء مجروح، على ندم بدأ يربك دماغي، على تساؤلات مفيش لها أي إجابة.
المسافة بين بيتي وبيت سها كانت تقريبًا نص ساعة، لكن ال 30 دقيقة دول عدوا عليا كأنهم سنة كاملة. طول الطريق وصوت أبوها يرن في ودني، النبرة المتوترة اللي اتكلم بيها، والجملة اللي قفل بيها المكالمة تعالى وهتعرف ليه بنتي اڼهارت بالشكل ده.
يا ترى في إيه؟ إيه السر اللي يخلي مجرد حركة طايشة مني تحول البنت الهادية الرقيقة لبركان ڠضب وإهانة قدام أهلها، وبعدها منشور على الفيسبوك يفضحني قدام خلق الله ويدمر سمعتي؟
العودة