انا عايش في محافظة بقلم اماني سيد

كنت بحرم نفسي من العلاج ومن الأكل عشان أبعتلك، وأنت كنت بتعمل بيها فرح وشهر عسل؟
البيت كله سكت.
أختي بصت لأمي وقالت بعصبية هو إنتِ كنتِ عارفة؟
أمي ما ردتش... لكن سكوتها كان كفاية.
في اللحظة دي، ماسة وشها اتغير.
بصتلي وقالت إنت قولتلي إنك أرمل... وإن مافيش في حياتك حد.
اتجمدت مكاني.
عرفت إن الكذبة اللي بنيت عليها حياتي الجديدة بدأت ټنهار في دقيقة واحدة.
لكن اللي محدش كان متوقعه... إن مشيرة مسحت دموعها فجأة، وطلعت موبايلها، وقالت بهدوء غريب
أنا مسجلة كل اللي حصل من أول ما دخلتوا البيت... وفيه شخص مستنيه يوصل دلوقتي.
وفي نفس اللحظة... سمعنا صوت عربية وقفت قدام البيت، وخبطات قوية على الباب، خلت الكل يبص ناحية المدخل وهو قلبه بيدق بسرعة...!أمي قامت بسرعة وهي متوترة، وقالت مين اللي جاي في الوقت ده؟
مشيرة ردت وهي ثابتة بشكل غريب افتحوا الباب... أنا اللي طلبته.
لما الباب اتفتح، دخل راجل كبير في السن ومعاه اتنين من كبار العيلة. كانوا معروفين إن محدش بيختلف على كلمتهم.
أول ما شافوني قال إحنا جينا بعد ما مشيرة كلمتنا وقالت إن فيه موضوع لازم يتحسم قدام الكل.
أمي حاولت تقاطعه دي مشاكل عائلية وهتتحل بينا.
لكن الراجل قال بحزم طالما اتعملت عزومة واتجمعت العيلة كلها، يبقى الحقيقة تتقال قدام الكل.
بص لمشيرة وقال احكي.
مشيرة طلعت ملف صغير، وقالت أنا من سنتين وأنا بصرف على البيت من مرتبي، وببعتله فلوس كل شهر عشان يساعد نفسه. كان يقولي إنه لوحده، وتعبان، وبيجهز شقة لينا. وأنا صدقته.
بعدها طلعت إيصالات التحويلات ورسائل الموبايل، وحطتهم قدام الناس.
الكل بقى يقلب في الورق، والهمس بدأ يزيد.
لماسة بدأت تبصلي بنظرات مختلفة.
قالت يعني الفرح اللي عملتهولي... وشهر العسل... كانوا من الفلوس دي؟
ماقدرتش أرد.
قالت وهي بترجع لورا خطوة إنت كذبت عليا من أول يوم.
حتى أمي، اللي كانت واقفة تدافع عني، سكتت لما لقت كل حاجة قدامها بالأدلة.
وفجأة... واحد من كبار العيلة قال جملة قلبت الجو كله
لسه فيه حاجة محدش يعرفها.
وبص ناحية مشيرة وقال قولي لهم الورقة اللي وصلتك الصبح.
مشيرة فتحت شنطتها، وطلعت ظرف أبيض مختوم.
وقالت أنا كنت مستنية بعد العزومة أفتحه... لكن واضح إن وقته جه.
فتحت الظرف قدام الجميع، وأول ما قرأت أول سطر... شحب لون وشها، وبصتلي پصدمة وهي بتقول
مستحيل...!مشيرة فضلت ماسكة الورقة بإيديها، وعينيها بتتنقل بين السطور وأنا، كأنها مش مستوعبة اللي مكتوب.
كل اللي في البيت اتوتر.
واحد من كبار العيلة قال خير يا بنتي... إيه اللي فيها؟
أخدت نفس طويل وقالت دي مش رسالة... دي إنذار من المحكمة.
بصيتلها وأنا قلبي وقع.
كملت وهي بتقرأ الإنذار بيقول إن فيه دعوى مرفوعة ضدي بطلب إسقاط نفقتي... ومكتوب فيها إني ناشز، وإني رفضت أعيش مع جوزي.
الكل بصلي في نفس اللحظة.
قال كبير العيلة پغضب يعني مش كفاية اتجوزت
عليها