رواية جديدة

انتهاء التحقيقات الجنائية! رفعت الجلسة!
الحرس هجموا على تامر وفريدة وكلبشوا إيديهم وسط صړاخ فريدة وشتيمتها في تامر، وتامر اللي انهار تماماً وبقى يبص للأرض بقمة الخزي والعاړ وهو شايف بنته ليلى بتجري على حضڼ أمها اللي كانت بتنقلها الإسعاف، والناس في القاعة بتدعي عليهم وبتسقف لحكم العدالة.
........ 
الإسعاف أخدت إيمان ودموعها مش راضية تقف، ماسكة في إيد ليلى وبطنها بتتحجر من الۏجع، والدكاترة حواليها بيجروا عشان يلحقوا الجنين. وفي نفس اللحظة، جوه قاعة المحكمة، كان تامر وفريدة بيتسحلوا والكلابشات في إيديهم وسط نظرات القرف من كل اللي واقفين. فريدة كانت بتصرخ في تامر پهستيريا أنت اللي ضيعتني! منك لله.. كله بسبب فكرتك السودة! وتامر وشه في الأرض مش قادر يرفع عينه في حد، هيبته والبدلة الغالية وفلوسه وكل حاجة ضاعت في ثانية، وبقى مجرد متهم بچريمة تزوير وڼصب رخيصة.
بعد ساعتين في مستشفى طنطا الجامعي، كانت إيمان في أوضة العمليات، والمحامي بتاعها واقف بره مع ليلى الصغيرة اللي كانت ضامة الأرنب ومستنية أمها پخوف. الدكتور خرج وهو بيمسح عرق من على جبينه وابتسم أول ما شاف ليلى مبروك يا جماعة، المدام قامت بالسلامة وجابت ولد زي الفل، رغم كل الضغط اللي مرت بيه، ربنا كتب لهم عمر جديد. المحامي اتنفس الصعداء ووليلى تنططت من الفرحة وهي بتقول ماما هتبقى كويسة يا عمو؟ وأخويا جه؟ الدكتور طبطب عليها آه يا حبيبتي، ماما بطلة وبقت كويسة خالص.
لما إيمان فاقت ودخلت أوضتها، الممرضة جابت لها البيبي الصغير وحطته في حضنها. إيمان بصت لوشه الملايكي، وحست إن كل الۏجع والخېانة والتعب اتبخروا. ليلى جريت عليها وحضنتها حمد الله على السلامة يا ماما.. أنا أسفة إني خبيت عليكي. إيمان بوست رأسها ودموعها نازلة أنتِ اللي أنقذتينا يا ليلى، ربنا اللي بعتك في الوقت المناسب عشان تكشفي الحقيقة.
المحامي دخل الأوضة وابتسامة النصر على وشه، وحط ملف على السرير جنبها مبروك يا مدام إيمان، الطلاق اتثبت، والنيابة أمرت بحبس تامر وفريدة 4 أيام على ذمة التحقيق بعد ما ورق التزوير اتكشف بالكامل، والتحفظ على الشركة وكل الحسابات رجع تاني لاسمك بقوة القانون. أنتِ كسبتِ كل حاجة.. كسبتِ كرامتك، وحقك، وولادك.
إيمان بصت لابنها الصغير اللي في حضنها، وبعدين ل بنتها ليلى، وأخدت نفس طويل ومرتاح لأول مرة من شهور، وقالت بصوت مليان قوة وأمل أنا مكنتش عايزة فلوس ولا شركات يا متر.. أنا كان كل همي أخرج من المستنقع ده ونضيفة.. والحمد لله، ربنا جاب لي حقي لحد عندي، والنهاردة بس أنا وأولادي اتولدنا من جديد.
......... 
مرت تلات شهور على اليوم ده.
إيمان كانت قاعدة في بلكونة بيتها الجديد، بيت بسيط بس هادي والشمس بتدخله من كل حتة، مفيهاش ريحة الكدب والخېانة اللي كانت خانقاها في شقتها القديمة. كانت هازة رجليها بالراحة وهي بتهز سرير ابنها الصغير يوسف، اللي كان نايم في هدوء وشبه الملايكة، وجنبها ليلى قاعدة على ترابيزة صغيرة بتلون في كشكولها وضحكتها مالية المكان.
صوت جرس الباب رن، قامت إيمان فتحت ولقت المحامي بتاعها، الأستاذ أحمد، واقف وعلى وشه ابتسامة عريضة وهو شايل شنطة ورق تقيلة. دخل وقعد على الكرسي وهو بيفك زراير جاكتته مساء الخير يا مدام إيمان.. جايب لك معايا أخبار هتبرد قلبك ع الآخر.
إيمان قعدت وقالت بلهفة مساء النور يا متر.. خير؟ طمني، القضية وصلت لإيه؟
الأستاذ أحمد طلع الحكم من الشنطة وحطه قدامها بفخر النهاردة محكمة الجنايات