جوزي اتوفى

وبلت الورقة..
مديت إيدي برعشة وسحبت الظرف وفتحته وقبل ما عيني تقرأ أول كلمة، كانت دموعي سبقتني وبلّت الورقة.
مسحت دموعي بصعوبة وبصيت للخط.
خط سامح نفس الخط اللي كان بيكتب بيه ملاحظات صغيرة ويحطها في شنطتي، أو على التلاجة.
بدأت أقرأ
ليلى
لو الجواب ده وصل لإيدك، يبقى أنا خلاص سبت الدنيا.
وأنا عارف إن اللي حصل النهارده صدمة ممكن تكسرك بس قبل ما تحكمي عليا، لازم تسمعي الحقيقة كلها.
قلبي كان بيدق پعنف لكن كملت.
أيوه أنا متجوز مروة.
لكن الحقيقة اللي عمرك ما عرفتيها إن الجوازة دي ما كانتش جوازة حب كانت صفقة.
وقفت لحظة عيني اتوسعت.
كملت وأنا نفسي بيتقطع.
مروة بنت واحد من أكبر التجار في البلد.
أبوها قبل ما ېموت كان سايب لها أملاك كتير جدًا أراضي وشقق وشركات.
لكنها ما كانتش بتفهم في الإدارة، وكانت محتاجة حد تثق فيه يدير كل ده.
أنفاسي كانت بتتقطع.
أنا وقتها كنت شغال مع والدها وهو كان واثق فيّ جدًا.
قبل ما ېموت، مروة طلبت مني طلب غريب.
بلعت ريقي وأنا بكمل.
قالتلي نتجوز جواز شكلي بس، لفترة معينة.
علشان الناس تحترمها وتحس إن في راجل واقف وراها بيدير شغلها.
شهقت وأنا بقرأ.
اتفقنا إن الجواز ده هيبقى فتره مش اكتر سنة أو سنتين بالكتير، وبعدها نطلق بهدوء.
دموعي كانت بتنزل لكن فضلت مكملة.
وفعلًا اتجوزنا.
وأنا بقيت المسؤول عن إدارة كل أملاكها وشغلها.
وقفت لحظة عقلي بيحاول يستوعب.
كملت
بعد فترة اتعرفت عليكي.
أول مرة شفتك فيها حسيت إن الدنيا بدأت من جديد.
دموعي نزلت أكتر.
حبيتك يا ليلى حبيت طيبتك وضحكتك، وبساطتك اللي كانت بتخليني أرجع إنسان طبيعي بعد سنين من الحسابات والفلوس.
إيدي كانت بترتعش.
وقتها قلت لمروة إني عايز أنهي الجواز الشكلي ده لكن رد فعلها كان صدمة.
الورقة كانت بټغرق بالدموع.
رفضت الطلاق.
وقالتلي لو طلقتها
هتروح لك بنفسها وتقولك إنك مجرد واحدة دخلت بين راجل ومراته.
قلبي اتقبض.
أنا خفت أخسرك خفت تقفلي الباب في وشي قبل ما تسمعي مني.
علشان كده سكت وفضلت عايش بين حياتين.
دموعي كانت بتنزل من غير توقف.
يمكن ده أكبر غلط عملته في حياتي.
بصيت لصورة سامح المعلقة على الحيطة وقلبي اتكسر.
لكن لسه في آخر سطور.
كل الأملاك اللي سمعت عنها الشقة والأرض والفلوس
كل ده أصلًا ملك مروة.
اتجمدت مكاني.
أنا ماكنتش بملك منهم حاجة.
أنا كنت بس اللي بديرهم.
الرسالة كانت بتترعش في إيدي.
علشان كده رجعت كل حاجة ليها بعد ما عرفت إن عمري قرب يخلص.
كان لازم أرجعلها حقها.
دموعي نزلت أكتر.
آخر سطر كان
سامحيني يا ليلى
أنا حبيتك بصدق حتى لو ماقدرتش أثبت ده.
وقعت الورقة من إيدي.
البيت كله كان ساكت
ساكت بطريقة توجع القلب.
كنت لسه بحاول أستوعب
وفجأة
باب الشقة اتفتح پعنف.
رفعت عيني ولقيت مروة داخلة.
لابسة أسود لكن عينيها مليانة غرور.
وقفت قدامي وبصت حوالين الشقة كأنها بتتفقد ملكها.
وقالت ببرود
خلصتي قراية الجواب؟
ما رديتش كنت بس ببصلها.
ابتسمت بسخرية.
وقالت
كويس يبقى عرفتي الحقيقة.
قربت خطوة وبصتلي نظرة مليانة احتقار.
سامح عمره ما حبك.
الكلمة نزلت عليا زي السکين.
كملت وهي بتعدل طرحتها
إنتي كنتي بس فترة في حياته نزوة، أو هروب من الملل.
حسيت إن الأرض بتتهز تحت رجلي.
قالت ببرود أكتر
لكن الحقيقة إنه فضل متجوزني أنا طول السنين دي.
بنتي كانت ماسكة في هدومي ومړعوپة.
مروة بصتلها بسرعة وقالت بسخرية
حتى البنت دي سامح ماقدرش يسيبني علشانها.
دموعي كانت بتنزل بصمت.
قربت مني أكتر وقالت بحدة
والبيت ده بيتي أنا.
قلبي وقع.
وأنا مش ناوية أسيبك فيه.
سكتت لحظة وبعدين قالت ببرود قاټل
قدامك يومين وتطلعي منه.
جسمي كله اتجمد.
حسيت إن الدنيا بتتقفل في وشي.
مروة لفت وهي مبتسمة ابتسامة نصر ومشيت.
الباب اتقفل وراها
وسبتني واقفة في نص البيت
أنا وبنتي وۏجع ما يتوصفش.
كنت خلاص فقدت الأمل.
لكن بعد شوية
سمعت صوت ورايا بهدوء.
مدام