كلام مدمر لحور حمدان

عمري ما كنت متخيلة إن في يوم هفتح واتساب ألاقي أربع رسائل كفيلين يهدوا أي ست من جواها وإن أكتر كلمة وقفت عندها مكنتش إنتي إيه يخليكي تنزلي صورة بنتي كده ولا حتى ممنوع تبعتي جوزك ياخد بنتي تاني لكن كانت ولا أشك أصلًا إنك كنتي هتعملي كده لو كنتي أم بس أقول إيه ما هو معلش إنتي محرومة وقتها حسيت إن اللي بعت الرسائل دي مكنش متضايق من صورة ولا زعلان على بنته ده كان متعمد يوجعني في أكتر حاجة عمرها ما كانت بإيدي
فضلت أبص للموبايل شوية وأنا مش مستوعبة إن دي فعلًا سلفتي اللي باعتالي الكلام ده
رجعت قريت الرسائل من أول وجديد
إنتي إيه يخليكي تنزلي صورة بنتي كده
الحاجات دي تعمليها لما تكون دي بنتك أو ابنك مش بنتي أنا
ولا أشك أصلًا إنك كنتي هتعملي حاجة زي دي لو كنتي أم بس أقول إيه ما هو معلش إنتي محرومة
ممنوع تبعتي جوزك ياخد بنتي تاني سامعة ولا لا ولو شفتيني بيها متجيش تسلمي علينا حتى مش ناقصين حسد في حياتنا
حسيت إني مش قادرة أتنفس
أنا أصلًا منزلتش الصورة غير بعد ما هي بنفسها كانت واقفة بتضحك وبتصورنا وقالتلي نزليها حلوة أوي
إزاي في ساعات قليلة كل ده اتقلب
فضلت أفكر أرد ولا أسكت
وفي الآخر كتبت بكل هدوء
أنا لو غلطت في حاجة كنتِ تقدري تكلميني باحترام لكن الطريقة دي متستحقهاش مني ولا منك
معداش أقل من دقيقة ولقيتها بتتصل
بصيت للمكالمة شوية وبعدين رديت
أول ما فتحت سمعتها بتقول بصوت عالي
إنتي فاكرة نفسك مين عشان تنزلي صورة بنتي من غير إذني
قولتلها بهدوء
هو إنتِ ناسية إنك كنتي واقفة معانا وإنتِ اللي صورتي الصورة أصلًا
سكتت ثانية
وبعدين قالت
حتى لو أنا صورتها أنا مقلتلكيش تنزليها
قولتلها
كنتي تقدري تبعتيلي وتقولي شيلي الصورة وأنا كنت هشيلها في نفس اللحظة لكن ليه الكلام ده كله
ردت بعصبية
عشان تعرفي حدودك
وقبل ما أرد عليها سمعت صوت جوزها من بعيد بيسألها
إيه اللي حصل
لقيتها قفلت المكالمة مرة واحدة
بعد حوالي نص ساعة جرس الباب رن
فتحت
اتفاجئت بأخو جوزي واقف لوحده
بصلي وهو مكسوف وقال
معلش على اللي حصل أنا معرفتش غير دلوقتي وشفت الرسائل في موبايلها
قولتله
أنا مش زعلانة إنها زعلت على بنتها دي حقها لكن اللي اتقال عمره ما يتقال
نزل راسه وقال
صدقيني هي غلطانة وأنا هخليها تعتذرلك
ابتسمت ابتسامة خفيفة وقلت
الاعتذار بيرجع الاحترام لكن في كلام لما بيتقال عمره ما بيتنسي
ومن يومها عرفت إن في فرق كبير بين واحد زعلان عشان ولاده وبين واحد مستعد يكسر قلب غيره عشان يعبر عن زعله وإن في چروح مبتبانش للناس لكنها بتفضل مع صاحبها وقت طويل جدًا
بعد حوالي ساعة كاملة وأنا بحاول أقنع نفسي إن خلاص الموضوع انتهى وإنها أكيد هتهدى لما تفكر في اللي كتبته، لقيت الموبايل