اخت جوزي

اخت جوزي اتطلقت وجابت بنتها و قعدت عندنا في البيت ، وانا كنت مخنوقه من قعدتها معانا ،فطلبت من بنتها طلب شيطاني علشان اطفشهم من البيت، بس الحكايه قلبت بمصېبه ملهاش اول من اخر؟؟؟؟
أنا طول عمري بشوف إن البيت ده بتاعي، أو بمعنى أصح، كان لازم يكون بتاعي لوحدي من أول يوم دخلته فيه. احنا عايشين في الارياف وجوزي أبوه مټوفي وسايبلهم بيت عيله كبير .. دور أرضي واسع وشقه فوق. أنا كانت شقتي في الدور الثاني، شقة حلوة ومتوضبة، بس البيت نفسه كان يخنق. زحمة ودوشة طول الوقت، حماتي الله يرحمها كانت مالية البيت حركة، وأخت جوزي الصغيرة هدى رايحة جاية، تحس إن مفيش خصوصية، ولا عارفة أتحرك براحتي، ولا حاسة إن المكان ده ملكي. كنت دايماً بحس إني ضيفة في بيتهم، أو مجرد واحدة ساكنة فوق وهم أصحاب الملك، وده كان بياكل في قلبي من جوة.
صبرت وقلت العيشة دي مش هتدوم. وبالفعل، الڤرج جه بالتدريج؛ هدى أخت جوزي اتجوزت ومشيت راحت بيت جوزها، وبعدها بكام سنة، حماتي اټوفت. وقتها بس حسيت إن الرئة بتاعتي اتنفست أكسجين صافي.. البيت فضي عليا كلياً! من الباب الكبير لحد السطوح، بقيت أناصاحبة البيت فوق وتحت. أستقبل اللي يعجبني، وأقفل الباب في وش اللي ما يعجبنيش، العيال بتجري براحتها في الصالة الواسعة تحت، وأنا نازلة طالعة بآمر وأنهي وكأني المالك الوحيد للبيت ده كله. سنين وأنا عايشة في الملكوت ده، لحد ما الصدمة جت في يوم من غير انذار
هدى اختلف مع جوزها، والأمور اتطورت بينهُم لحد ما اتطلقت. وفي يوم وليلة، لقيتها داخلة عليا بشنطها وبنتها الصغيرة، وجاية تعيش في بيت أبوها! قعدت لحد ما القضايا تخلص.. رفعوا قضايا نفقة ومؤخر وسكن للبنت، وهتفضل قاعدة معانا لحد ما المحاكم تقضي. أنا ساعتها اتسمرت مكاني. يعني إيه؟ بعد السنين دي كلها والراحة دي، أرجع تاني أتقاسم البيت؟ وترجع الخنقة والكركبة وبنتها تلعب مع عيالي وتعمل دوشة؟ لا، البيت ده بتاعي أنا وجوزي وعيالي، ومش هسمح لحد يشاركنا فيه ولا يرجعني لنقطة الصفر تاني.
بدأت بالأصول الأول، رحت لجوزي الشقة فوق وقعدت أزن في دماغه
إزاي أختك تعيش هنا كده؟ هو مش جوزها المفروض يدبرلها هي والبنت سكن؟ ما يروحوا يقعدوا في أي حقة إيجار براه!
رد عليا بضيق وهو بيتأفأف
ما هي القضايا شغالة يا سميرة، والقاضي لسة محكمش بسكن، هترمى في الشارع يعني؟
قلتله بقلة صبر
طب ما أختك ممرضة وبتقبض وعلى قلبها قد كده، ليه متأجرش شقة قريبة تقعد فيها هي وبنتها لحد ما القضايا دي تخلص وتشوف حالها؟
جوزي بصلي باستغراب وزعق بصوت واطي
تأجر إزاي وبيت أبوها موجود ومفتوح؟ أقولهالها إزاي يعني يا سميرة؟ نامي يا سميرة وبلاش