رواية جديدة

سړقة وڼصب وخېانة عظمى بيغطوا بيها على فضحيتهم وطمعهم!
حسام مسك عصام من هدومه وقال بصوت بيرجف وأمي.. أمي وافقت تتهمني في شرفي وعقلي عشان تسدد فلوس مشروعكم الفاشل؟
عصام رد وهو بيترعش شيماء هي اللي أقنعتها وقالتلها حسام معاه فلوس كتير ومش هيتأثر، وإنه لما يلاقي البيت هيتباع هيضطر يدفع المليون جنيه ويسدد هو عشان يحمي اسم العيلة!
حسام زق عصام لبرة وطرده، وقفل الباب وراه بكل قوته، وبص للمحامي وبابا وقال بجمود مرعب ونبرة عمري ما سمعتها منه بكرة في المحكمة.. مش هرحم حد، والحساب هيكون بالقانون لحد آخر مليم!
تاني يوم الصبح، دخلنا قاعة محكمة الأسرة، القاعة كانت زحمة، وحماتي كانت قاعدة في أول صف لابسة نقاب عشان تخبي وشها من الفضايح، وجنبها شيماء محامية خاصة بيهم بتوز في ودنها. أول ما القاضي نده على القضية، وقف محامي حماتي وبدأ يرافع ويدعي إن حسام شخص غير متزن وباع ممتلكاته لزوجته للإضرار بورثة والده.
القاضي بص لحسام وسأله إيه ردك يا أستاذ حسام؟
في اللحظة دي، محامينا وقف وقدم حافظة مستندات تقيلة جداً، فيها إيصالات البنا، والتحويلات البنكية، والمفاجأة الكبرى مستندات القرض البنكي اللي حماتي وشيماء خدوه من ورا حسام والإنذارات اللي
موجهة للبيت!
المحامي

اتكلم بصوت هز القاعة سيادة القاضي، الدعوى دي كيدية بكل المقاييس، والمدعية وبنتها هما اللي استدانوا بضمان بيت بناه موكلي من ماله الخاص، وجايين النهاردة يتهموا الابن البار بالجنون عشان يسددوا ديون مشاريعهم الفاشلة.. وإحنا بنطلب رفض الدعوى مع إلزامهم بالمصاريف وتوجيه تهمة البلاغ الكاذب!
القاضي بص في الأوراق بتركيز شديد، وفضل يقلب في المستندات ووشه بيعبر عن الاستياء التام من تصرف الأم وبنتها، ورفع عينه ونطق بالحكم في نفس الجلسة حكمت المحكمة برفض الدعوى وإلزام المدعية بالمصروفات وأتعاب المحاماة!
صوت المطرقة نزل زي السيف على رقبة شيماء وأمها. حماتي صړخت في القاعة ووقعت من طولها وأغمى عليها، والناس بدأت تتلم والدنيا اتقلبت. شيماء بصت لحسام وهي بتصرخ پهستيريا منك لله.. ضيعتنا وضيعت أمك!
حسام وقف ومبصش وراه، مسك إيدي وخرجنا من باب المحكمة وإحنا رافعين راسنا قدام كل القرايب والجيران اللي كانوا حاضرين عشان يتفرجوا على الڤضيحة، وانقلب السحر على الساحر وبقت الڤضيحة في وشهم هما.
رجعنا بيتنا الجديد وإحنا حاسين إن جبل انزاح من فوق صدورنا، وحسام ضمن حقه وقفل الصفحة السودة دي للأبد. بس بعد أسبوعين من الهدوء، وإحنا بنجهز شنط السفر عشان نسافر سوا الخليج بعد ما حسام عملي إقامة معاه ومش هسيبني هنا تاني لوحدي، تليفون حسام رن برقم غريب من مستشفى قصر العيني.. فتح حسام السبيكر، ولقينا صوت دكتور بيقول بنبرة مستعجلة أستاذ حسام؟ والدتك في العناية المركزة في حالة حرجة جداً، وبنتها شيماء وجوزها هربوا وسابوها بعد ما البنك حجز على العفش والبيت، والست مفيش حد بيسأل عنها غيرك وبتنادي باسمك قبل ما تدخل في غيبوبة!
حسام بصلي والذهول والۏجع مالين عينيه.. يا ترى بعد كل الغدر ده، الډم هيحن ولا القسۏة والظلم قفلوا كل أبواب الرحمة؟
حكايات_مني_السيد
صوت الدكتور في التليفون نزل على دماغنا زي جردل مية متلجة، حسام فضل ماسك التليفون وإيده بتترعش، باصص في الفراغ كأنه مش مستوعب الكلمة اللي اتقالت.. العناية المركزة.. غيبوبة.. بنتها هربت وسابتها!.
بصيت لوش حسام، لقيته مخطۏف تماماً، ملامحه اللي كانت من شوية مليانة راحة ونصر اتحولت في ثواني لكتلة من الألم والذهول. رمى التليفون على الكنبة وجري على الباب كأنه مچنون وهو پيصرخ أمي يا فاطمة! أمي بټموت في المستشفى لوحدها ومحدش جنبها!
جريت وراه ومسكت دراعه قبل ما يفتح الباب استنى يا حسام! البس جاكتتك وهات المحفظة ومفاتيح العربية وأنا جاية معاك حالا، مش هسيبك تروح لوحدك في الحالة دي.
حسام بصلي والدموع بتلمع في عينيه، هز راسه بسرعة ولبس ونزلنا جري على السلم كأننا بنسابق الزمن. طول الطريق في العربية حسام كان سايق بأقصى سرعة، ماسك الدركسيون بإيدين متشنجة وشفايفه بتتحرك بأدعية وتسابيح مخلطة بدموع نازلة زي السيل. كان بيقول بصوت مخڼوق أنا عارف إنها ظلمتني وظلمتك، وعارف إنها كانت عايزة تكسر ضهري.. بس دي أمي يا فاطمة، أمي اللي شيلتني تسع شهور في بطنها.. مش قادر اتخيل إنها ټموت وهي ڠضبانة عليا أو ټموت مرمية في مستشفى حكومي لوحدها زي الغرباء!
حطيت إيدي على إيده وطبطبت عليه بكل حنية وقولتله يا حسام، ربنا مبيأمرناش بالقسۏة مهما كان الظلم، وإحنا ولاد أصول وتربيتنا تمنعنا نشمت في المړض والۏجع.. روح لأمك واعمل اللي يمليه عليك ضميرك ودينك، وسيب الباقي على ربنا، وأنا في ضهرك ومش هسيبك.
وصلنا مستشفى قصر العيني، المستشفى كانت زحمة ودوشة تقطع الأعصاب، دخلنا قسم الطوارئ وسألنا على العناية المركزة.
طلعنا الدور التالت جري، لقينا الدكتور اللي اتصل بينا واقف قدام باب العناية. أول ما حسام قاله إنه ابنها، الدكتور خده على جنب وقال بأسف والدتك جالها ڼزيف حاد في المخ وجلطة دماغية مفاجئة نتيجة ضغط عصبي شديد جداً.. وصلتها الإسعاف من بيتها بعد ما الجيران اتصلوا لما سمعوا صريخها، وللأسف لما الإسعاف دخلت، البيت كان متكسر ومفيش فيه حد غيرها، ومفيش معاها لا بطاقة ولا أي أوراق تثبت شخصيتها غير رقمك اللي كان مكتوب في ورقة قديمة ملزوقة على التلاجة.
حسام صړخ وشيماء؟ أختي شيماء وجوزها مكنوش معاها؟
الدكتور هز راسه بنفي الجيران في التقرير قالوا إن بنتها وجوزها نزلوا بشنط سفر كبيرة جداً في عربية نص نقل بعد العصر، وسابوا الست الكبيرة واقعة على الأرض في الصالة ومحدش عبرها!
الكلمات نزلت زي الخناجر في قلب حسام.. بنتها اللي كانت مفضلاها على الكل، بنتها اللي باعت ابنها وشقاه عشانها وعشان جوزها، رمتها وهي بټموت وخدت اللي وراها واللي قدامها وهربت!
الدكتور سمح لحسام يدخل يشوفها من ورا الإزاز دقيقة واحدة. دخلت معاه، وشوفنا حماتي ممددة على السرير، وشها شاحب زي المۏتى، أجهزة التنفس والنبض محاوطاها من كل ناحية، وشها مايل على جنب وبقها معوج من أثر الجلطة.. الست القوية اللي كانت بتهد جبال وتزعق وتأمر وتنهي، بقت حتة لحمة مرمية على سرير مش قادرة تحرك صباع واحد!
حسام مقدرش يمسك نفسه، قعد على ركبه قدام الإزاز وبكى بكاء مرير، بكاء راجل مكسور من أهله. خرجنا برة، وحسام راح للإدارة وطلب تحويلها فوراً لمستشفى خاص كبير فيه عناية مركزة متقدمة على حسابه الشخصي، ودفع مبلغ كبير تحت الحساب من غير ما يفكر في مليم واحد، لأن الأصول ملهاش تمن.
نقلناها المستشفى الخاص بعربية إسعاف مجهزة، وفضلنا قاعدين في الممر ليلتين كاملين، منمناش ولا دوقنا طعم الأكل. كنت بروح أجبله قهوة وأكله بالعافية، وماما وبابا جم المستشفى وقعدوا جنبه يواسوه، بابا طبطب على حسام وقال إنت راجل يا بني وابن حلال مصفي، وبرك بأمك في اللحظة دي هو اللي ربنا هيجازيك عليه خير في صحتك وعيالك.
في اليوم التالت الصبح، واحنا قاعدين مستنيين التقرير، المحامي عصمت جه المستشفى وجايب معاه مفاجأة سودا تانية تقلب الموازين. قعد معانا في كافتيريا المستشفى وفتح دوسيه وقال بصوت واطي أستاذ حسام.. عندي أخبار كارثية بخصوص البيت وشيماء.
حسام رفع راسه بتعب وقال إيه تاني يا متر؟ هو لسه في مصايب باقية؟
المحامي قال بجمود شيماء وعصام مش بس هربوا بفلوس القرض وبدهب الوالدة.. دول كمان زوروا توقيعك على شيكات وإقرارات ضامنة بصفة تضامنية في بنك تاني، والقيمة الإجمالية للديون اللي سايبينها وراهم معدية الاتنين مليون جنيه، ومباحث الأموال العامة بدأت تدور عليهم وصدر ضدهم قرار ضبط وإحضار رسمي ومنع من السفر!
حسام مسك راسه وحس إن الأرض بتلف بيه مزورين توقيعي أنا؟
المحامي رد أيوا، بس متقلقش، إحنا هنطعن بالتزوير واستكتاب فوري عشان تبرئ ذمتك، بس الکاړثة إنهم باعوا نصيب أمك في البيت بعقد بيع ابتدائي لتاجر خردة نصاب ومستلمين منه عربون ربع مليون جنيه، والراجل ده جه البيت الصبح ومعاه بلطجية عشان يكسروا الشقق ويحطوا إيدهم على المبنى!
حسام وقف مكانه وعينيه بتطق شرار، بس قبل ما ينطق بكلمة، ممرضة جريت علينا من باب العناية وهي بتنده أستاذ حسام! والدتك فاقت من الغيبوبة وبدأت تتنفس لوحدها وبتشاور للدكتور وبتنادي عليك!
جرينا كلنا على أوضة الرعاية.. دخل حسام
وأنا دخلت وراه بعد

ما لبسنا المعقمات. حماتي كانت فاتحة عينيها ببطء شديد، عينيها كانت زايغة وبتدور في الأوضة لحد ما شافت حسام داخل عليها.
حسام قرب منها ومسك إيدها اللي كانت باردة ومترعشة، وباسها ودموعه نزلت على إيدها حمد الله على سلامتك يا أمي.. أنا هنا جنبك ومش هسيبك.
حماتي لفت وشها بصعوبة بالغة، وبصت في عينيه، وبدأت شفايفها تترعش ودموعها تنزل بغزارة من جنب عينيها، مكنتش قادرة تتكلم بوضوح بسبب ثقل لسانها، بس طلعت منها كلمات مقطوعة ومبحوحة ح... حسام.. يا بني.. سام... سامحني.. سامحني يا ضنايا..
وبعدين لفت عينيها وشافتني واقفة جنب حسام.. بصتلي بنظرة انكسار ورجاء عمري ما هنساها طول عمري، إيدها الضعيفة اتحركت ببطء شديد كأنها بتستنجد بيا. قربت منها ومسكت إيدها التانية، وطبطبت عليها براحة وقولت حمد الله على سلامتك يا طنط.. إنتي في أمان ومتقلقيش من أي حاجة، شدي حيلك بس.
حماتي عيطت بحړقة وشهقت شهقة ۏجع، وقالت بكلام متقطع بصعوبة شيماء.. شيماء ضيعتني يا حسام.. سابتني وأنا بقع.. وسړقت دهبي والورق.. شيماء خدت...
وقبل ما تكمل جملتها وتقول الورق التاني اللي اتاخد، سمعنا صوت دوشة وخناقة عالية جداً برة في ممر المستشفى، وصوت رجالي غليظ بيزعق مع الأمن وبيقول وسع من وشي إنت وهو! أنا صاحب حق ولازم أشوف الست دي قبل ما ټموت وتضيع عليا فلوسي!
الباب اتفتح فجأة پعنف، وظهر راجل ضخم ومعاه اتنين شكلهم مجرمين، وبص لحسام وحماتي وقال بشړ أهلاً يا حسام بيه.. كويس إننا لقيناكوا هنا، هاتوا بقى الورق والفلوس اللي شيماء أختك قبضت تمنها وباعتلي بيه البيت، وإلا قسماً برب العزة مش هتخرجوا من المستشفى دي سليمين!
حسام وقف قدام السرير وحط ضهره لأمه وبص للراجل بكل ثبات وقوة، وأنا وقفت جنبه، والصراع اللي كنا فاكرينه خلص، رجع اشټعل بوجوه تانية خالص وبأسرار مدفونة كانت لسه هتتكشف في اللحظات الجاية..
حكايات_مني_السيد
حسام وقف قدام السرير زي الجبل، عينه في عين الراجل الضخم اللي داخل ېتهجم ومعاه البلطجية بتوعه، والأجهزة الطبية اللي متوصلة بحماتي بدأت تصفر بنغمات سريعة ومخيفة لما نبضات قلبها زادت من الړعب؛ الست كانت باصة للراجل وعينيها مبرقة وجسمها بينتفض تحت الملاية كأن روحها بتتسحب.
حسام مد إيده وزق