رواية كامله

كلام الجيران؟
كريم حط الكوباية فوق العربية.
وقال بعصبية
هو مش بيع.
ده استبدال.
استبدال؟
آه.
التيسلا سعرها بينزل بسرعة.
وأنا بدلتها بعربية عملية.
قلت
وفين فرق الفلوس؟
رد بمنتهى البجاحة
استعملناه في البيت.
قلت
أنهي بيت؟
قبل ما يتكلم...
حماتي ردت.
كريم هيتجوز.
وكان ناقصه فلوس الشبكة والقايمة.
إنتي مراته أخوه.
المفروض تساعديه.
في اللحظة دي...
هديت تمامًا.
ولا صړخت.
ولا اتخانقت.
فتحت تطبيق تسجيل الصوت.
وضغطت تسجيل.
وبصيتلهم واحد واحد.
وقلت
من اللحظة دي...
كل كلمة هتطلعوها من بقكم...
هتتبقى دليل عليكم.
اختفت الابتسامة من وش كريم.
الجزء الثاني
طلعت الشقة.
محمد كان قاعد في الصالون مستنيني.
على الترابيزة قدامه كان موجود
مفتاح عربيتي.
ورخصة ال.
ونص علبة سجاير.
أول ما دخلت...
قلت
فين رخصة التيسلا؟
قال
اقعدي الأول.
قلت
مش هقعد.
الرخصة فين؟
رد من غير ما يبصلي
اديتها لكريم.
فضلت باصة له.
وسألته بهدوء مخيف
إنت فتحت الخزنة بتاعتي إزاي؟
اتنهد وقال
إحنا متجوزين.
هو أنا بسرقك؟
قلبي وجعني.
الرقم السري للخزنة...
كان تاريخ جوازنا.
أنا اللي اخترته.
عشان عمري ما أنساه.
وقتها افتكرت إن الثقة اللي بينا كانت أكبر غلطة عملتها.
قلت
وصورة بطاقتي؟
إنت كمان اديتها له؟
قال
المعرض كان محتاجها.
قلت
أنهي نسخة؟
ما ردش.
دخلت أوضة المكتب.
فتحت الخزنة.
الملفين اللي كنت حاطاهم فيها...
اختفوا.
ملف رخصة العربية.
وملف صور بطاقتي.
حتى النسخة اللي كنت كاتبة عليها بخط إيدي
تستخدم فقط لإجراءات التمويل العقاري.
راحت.
رجعت الصالون.
كريم كان قاعد حاطط رجل على رجل.
وقال وهو بيبتسم
ما تتعبيش نفسك.
أنا خدت كل الورق وسلمته للمعرض.
قلت
مين اداك الحق؟
قال
أخويا.
العربية باسمي أنا.
ضحك وقال
إنتي ومرات أخويا واحد.
اللي بتاعك يبقى بتاعه.
بصيت لمحمد.
قلت
إنت مقتنع بالكلام ده؟
طفى السېجارة.
وقال
أنا ما قولتش العربية بتاعتي.
بس كريم كان ناقصه فلوس الجواز.
والعربية بتاعتك غالية.
تبدليها بعربية أرخص...
إيه المشكلة؟
ضحكت من كتر الصدمة.
قلت
أنا بمشي كل يوم أكتر من تلاتين كيلو رايح جاي للشغل.
حماتي خرجت من المطبخ بكوباية شاي.
وقالت
وبعدين يعني؟
التيسلا كلها مشاكل.
بتولع وفراملها وحشة.
ال أحسن.
قلت
طب ليه ابنك ما يركبهاش هو؟
قالت بسرعة
عشان هيبقى عريس.
ولازم يركب عربية تليق بيه.
هزيت راسي.
وقلت
يعني هو ليه قيمة...
وأنا ماليش.
بصتلي وقالت بمنتهى القسۏة
إنتي ست متجوزة.
هتستعرضي على مين؟
في اللحظة دي...
عرفت إن الكلام معاهم ملوش أي فايدة.
بصيت لمحمد.
وسألته
اتباعت بكام؟
قال
لسه إجراءات

نقل الملكية ما خلصتش.
قلت
أنا بسألك قبضتوا كام؟
كريم رد بسرعة
تسعمية ألف جنيه تقريبًا.
شهقت.
عربيتي كانت نسخة Long Range.
ماشية أربعين ألف كيلو بس.
كل صيانتها في التوكيل.
والبطارية حالتها ممتازة.
ومع ذلك...
باعها بأقل بكتير من قيمتها.
وكمان جابلي عربية مستعملة متهالكة.
قلت
والفلوس؟
حماتي ردت فورًا
راحوا في المهر والشبكة والدهب.
والباقي كريم سدد بيه جزء من ديونه.
قلت
ديون إيه؟
وش كريم اتغير.
وقال
مالك بكل التفاصيل دي؟
بصيتله.
وقلت
إنت بعت عربيتي.
ومستغرب إني بسأل راحوا فين؟
محمد قال
هنرجعلك الفلوس واحدة واحدة.
قلت
في قد إيه؟
قال
كل سنة شوية.
قلت
يعني كام سنة؟
بدل ما يجاوب...
قال بضيق
بلاش تضغطي على الناس بالطريقة دي.
ضحكت.
ضحكة كلها مرارة.
أخوه باع عربيتي.
وأمه صرفت فلوسي.
وهو بنفسه فتح خزنتي وسلّم أوراقي.
ولما طالبته بحقي...
بقيت أنا اللي بضغط عليهم.
وقفت.
وبصيت لكريم.
وقلت
بكرة الصبح...
هروح المعرض.
وهجيب عربيتي.
كريم انتفض من مكانه.
وقال بصوت عالي
مستحيل.
بصيتله بثبات.
وسألته
وليه مستحيل؟
بلع ريقه.
وقال
لأن الفلوس اتصرفت.
ولو خدتي العربية...
المعرض هيطالبني بالمبلغ كله.
ابتسمت لأول مرة من ساعة ما رجعت.
وقلت بهدوء
لما كنت بتبيعها...
ما فكرتش في اللحظة دي؟
قبل ما كريم يرد...
سمعنا صوت جرس الباب.
محمد قام يفتح.
دخل راجل لابس بدلة، ومعاه اتنين موظفين.
واحد منهم قال بهدوء
مساء الخير... إحنا من معرض السيارات.
كريم اتخض.
وقام واقف بسرعة.
إنتوا جايين ليه؟
الراجل طلع ملف من الشنطة وقال
إحنا جينا لأن صاحبة العربية رجعت.
بصيتله باستغراب.
قال
حضرتك مدام هبة؟
هزيت راسي.
ناولني الملف.
دي كل أوراق الصفقة اللي تمت باسم عربيتك.
فتحت الملف.
أول ورقة كانت عقد تقييم العربية.
قيمة العربية الحقيقية حسب تقييم المعرض...
مليون ومية وخمسين ألف جنيه.
أما العقد اللي بعده...
فكان مكتوب فيه إن المعرض اشترى العربية ب تسعمية ألف جنيه فقط.
رفعت عيني لكريم.
وشه اصفر.
قلت بهدوء
فين الفرق؟
ما ردش.
مدير المعرض هو اللي اتكلم.
الحقيقة... حضرتك ما تعرفيش كل حاجة.
كل الموجودين بصوا له.
قال
إحنا اشترينا العربية بتسعمية ألف بالفعل... لكن بعد ساعة من الاتفاق، الأستاذ كريم طلب إننا نعمل عقد تاني.
سألته
عقد إيه؟
طلع ورقة جديدة.
العربية دخلت صفقة استبدال مع عربية BYD مستعملة تمنها حوالي