اطلقت وانا حامل حكايات صافي هاني

تمضي في هدوء ومن غير شوشرة.
ولسه الصدمة مخلصتش.. من ضلمة الطرقة، خرجت الضحېة الجديدة.. أو بالأصح، شريكة الچريمة.
صوفي فيل.
مساعدة دانيال في الشركة.
عندها ستة وعشرين سنة، مفيهاش غلطة، ولابسة في رقبتها سلسلة ذهب.. معلق فيها زراير قميص جوزي الألماظ!
قالت بنبرة كلها خباثة وتشفى أنا آسفة يا إيلينا.. ومكنش باين عليها أي ندم، بالعكس كملت بس دانيال يستحق يكون سعيد مع حد يديله اللي هو عايزه.
في اللحظة دي، النفس اتقطع من صدري، وخرجت مني ضحكة صلبة ومكتومة.. ضحكة صدمة ويأس تحولت لقوة.
دانيال حط القلم في إيدي وضغط عليا امضي الليلة دي.. حالا.
بصيت في عينيه وسألته والطفل اللي في بطني؟
عينه راحت لبطني بنظرة كلها اشمئزاز وقرف وقال مش هيبقى فيه عيل.. زي كل مرة.
هنا بالذات.. دموعي وقفت تماماً، والضعف اتقلب لجمر ڼار.
مشيت لحد المكتب، مسكت القلم بثبات مكنش متوقعه، ومضيت على كل صفحة في سكات تام.. سكات يسبق العاصفة.
اللي دانيال وأمه الغبية مكنوش يعرفوه.. إني قبل ما أخرج من الحمام كنت خلاص صورت التحليل، وموبايلي في جيبي كان بيسجل كل كلمة اتقالت في الأوضة دي، وسحبت نسخة من التقرير الطبي اللي أمه كانت فاكرة إنها حړقت أصله.
هو كان فاكر إنه كسرني وهدني..
بس غبي.. نسي إني أنا إيلينا.. المحامية الشاطرة اللي بنت له نص إمبراطوريته وقوانين شركته بذكائي.
عشان كده، لمېت هدومي في شنطة واحدة، 
وخرجت في المطر ومعايا سر هيزلزل عرشهم.. الطفل اللي كانوا فاكرينه خلاص ماټ وعدموه في حساباتهم... يتبع في التعليقات 
عدى سنتين كاملين.. سنتين وأنا ببنِي نفسي من جديد من تحت الصفر، بعيد عن وساختهم وغدرهم. وفي ليلة الفرح الأسطوري اللي مصر كلها كانت بتتكلم عنه، فرح دانيال على صوفي فيل في أكبر فنادق القاهرة، كنت واقفة في آخر القاعة.. لابسة فستان أسود شيك، وبصالي كل عيون الكبار ومشاهير مجتمع الأعمال اللي كانوا معزومين.
دانيال كان واقف على المسرح بيضحك، وفي إيده صوفي اللي فستانها الأبيض مغرق المكان، وأمه فيفيان قاعدة في أول طاولة زي الملكة المتوجة.. فاكرين إن الدنيا ضحكت لهم وخلاص صوفي حامل في الوريث المنتظر للشركة.
بين كل الهيصة دي، دخلت أنا.. وفي إيدي يحيى، ابني.. حتة سكرة عنده سنة وشهرين، واخد كل ملامح أبوه، بس بنظرة قوة وذكاء واخدها مني.
أول ما عيون دانيال جت عليا، الضحكة اتجمدت على شفايفه، والبلور في إيده كان هيقع. أمه وقفت على حيلها واللولي اللي في رقبتها كان هيخنقها من الصدمة.
مشيت بكل ثقة وسط المعازيم، والهمس بدأ يعلو في القاعة مش دي إيلينا؟ طليقته؟ والمحامية اللي عملت اسم مجموعته؟
وقفت قدام المسرح بالظبط، وبصيت له وبصيت لعروسه الجديدة اللي وشها قلب ألوان، وطلعت من شنطتي أظرف سودا شيك جداً، واديتها للمسؤول عن شاشات العرض الكبيرة اللي